श्रेया धन्वंतरीचा वेस्टर्न साडीतील हॉट लूक व्हायरल; इंस्टाग्रामवरील फोटो पाहून नेटकरी हैराण

OTT प्लॅटफॉर्मवरील ‘स्कॅम १९९२’ या वेब सीरिजमुळे परिचयाचा झालेला चेहेरा म्हणजे श्रेया धन्वंतरी हिचा. नंतर ‘द फॅमिलीमॅन’ या वेब सीरिजमधून आणि ‘चूप’ या चित्रपटामुळे श्रेयाच्या लोकप्रियतेमध्ये आणखी वाढ झाली. श्रेया सोशल मीडियावर चांगलीच सक्रिय असते. आपल्या चित्रपटांबद्दलचे वेगवेगळे अपडेट तसेच आपले बरेच फोटोशूट ती तिच्या इंस्टाग्राम अकाऊंटच्या माध्यमातून शेअर करत असते. सोशल मीडियावर श्रेयाची एक बोल्ड अन् बिनधास्त अभिनेत्री अशी इमेज बनली आहे. नुकतंच तिने इंस्टाग्राम नारिंगी रंगाच्या साडीतील एक लूक शेअर केला आहे. श्रेया धन्वंतरीने नुकतंच 'लोकमत'ने आयजित केलेल्या पुरस्कार सोहळ्याला हजेरी लावली. या कार्यक्रमासाठी श्रेयाने ही वेस्टर्न स्टाइलची साडी परिधान केली होती. या साडीत श्रेया अत्यंत ग्लॅमरस अन् बोल्ड दिसत आहे. श्रेयाचा हा हॉट अवतार तिच्या चाहत्यांना चांगलाच आवडला आहे. काहींनी तिला या बोल्ड साडी परिधान करण्यावरुन ट्रोल केलं आहे तर तिच्या चाहत्यांनी तिचं कौतुक केलं आहे. नुकतीच श्रेया राज अन् डीके यांच्या 'गन्स अँड गुलाब्स' या वेबसीरिजमध्ये झळकली. (फोटो सौजन्य : श्रेया धन्वंतरी / इंस्टाग्राम व सोशल मीडिया)