‘अथांग’ समुद्र, लेकाबरोबरची मस्ती अन्…; उर्मिला निंबाळकरच्या बोल्ड लूकने वेधलं लक्ष

मराठमोळी अभिनेत्री उर्मिला निंबाळकर ही कायमच विविध कारणांनी चर्चेत असते. उर्मिला ही अभिनय क्षेत्रापासून दूर असली तरी चाहत्यांच्या कायमच संपर्कात राहण्याचा प्रयत्न करते. सध्या उर्मिला ही तिचा लेक अथांग बरोबर गोव्यात सुट्टी एन्जॉय करताना दिसत आहे. याचे काही फोटो उर्मिलाने पोस्ट केले आहेत. यावेळी उर्मिलाने काळ्या रंगाचा टॉप आणि त्याच रंगाची शॉर्ट्स परिधान केली आहे. या फोटोत ती तिच्या लेकाबरोबर काही आनंदाचे क्षण घालवताना दिसत आहे. यावेळी अथांगही गोव्याच्या समुद्रकिनाऱ्यावर मजा-मस्ती करताना पाहायला मिळत आहे. "गोव्यात पडी टाकलीय सध्या, त्यातीलच काही निवांत क्षण!" असे कॅप्शन तिने या फोटोला दिले आहे. उर्मिलाने शेअर केलेल्या या फोटोत तिचा फिटनेस पाहायला मिळत आहे. दरम्यान उर्मिलाने आतापर्यंत अनेक मराठी आणि हिंदी मालिकांमध्ये काम करून प्रेक्षकांच्या मनावर आपली छाप निर्माण केली. 'दुहेरी', 'बन मस्का' या मराठी मालिकांमध्ये ती झळकली. तसेच 'दिया और बाती हम', 'एक तारा' यांसारख्या हिंदी मालिकेतही ती झळकली.