“आयराच्या लग्नात मी खूप रडणार,” आमिर खानचे वक्तव्य; जावई नुपूरबद्दल म्हणाला, “तिने असा मुलगा निवडला जो…”

अभिनेता आमिर खानची लेक लवकरच लग्नबंधनात अडकणार आहे. आयरा खानच्या लग्नाची तारीख ठरली आहे. खुद्द आमिरनेच आयराचं लग्न कधी होणार याबाबत माहिती दिली आहे. आयरा व नुपूर शिखरे यांनी १८ नोव्हेंबर २०२२ रोजी साखरपुडा केला होता. आता वर्षभराने दोघेही लग्नबंधनात अडकतील. दोघांचं लग्न नवीन वर्षात म्हणजेच २०२४ मध्ये होणार आहे, असं आमिरने सांगितलं आहे. ‘न्यूज १८ इंडिया’शी बोलताना आमिरने मुलीच्या लग्नाची तारीख सांगितली. आयरा ३ जानेवारीला लग्न करणार आहे. मुलगा तिने निवडलेला आहे. - आमिर खान तो ट्रेनर आहे. त्याचे नाव नुपूर आहे. - आमिर खान तो खूप छान मुलगा आहे. जेव्हा आयरा नैराश्याशी लढत होती, तेव्हा तो तिच्यासोबत होता. - आमिर खान तो खरोखरच तिच्या पाठीशी उभा राहिला आणि तिला भावनिक आधार दिला. मला आनंद आहे की तिने एक असा मुलगा निवडला जो खूप चांगला आहे आणि ज्याच्याबरोबर ती खूप आनंदी आहे. - आमिर खान ते खूप कनेक्टेड आहेत.- आमिर खान ते एकमेकांची खूप काळजी घेतात. - आमिर खान मुलीच्या लग्नात भावुक होणार का? असं विचारल्यावर आमिरने उत्तर दिलं. मी तर खूप भावुक व्यक्ती आहे. - आमिर खान आयराच्या लग्नाच्या दिवशी मी खूप रडणार आहे. - आमिर खान त्यादिवशी आमिरची काळजी घ्या अशी चर्चा घरात सुरू झाली आहे,कारण मी माझं हसणं किंवा रडणं नियंत्रित करू शकत नाही. - आमिर खान दरम्यान, आयरा व नुपूर लवकरच लग्नबंधनात अडकणार आहे. दोघांच्या लग्नाची तयारी सुरू आहे. (फोटो - आयरा खान इन्स्टाग्राम)