कंगना रणौत घेतले द्वारकाधीश अन् सोमनाथांचे दर्शन, म्हणाली “श्री कृष्णाची इच्छा असेल तर मी निवडणूक लढवेन”

नुकताच बॉलिवूड अभिनेत्री कंगना राणौतचा 'तेजस' चित्रपट प्रदर्शित झाला आहे. या चित्रपटाला बॉक्स ऑफिसवर प्रेक्षकांचा फारसा प्रतिसाद मिळत नाहीये. या सगळ्या दरम्यान अभिनेत्री भगवान शंकराच्या दर्शनासाठी गुजरातच्या प्रसिद्ध सोमनाथ मंदिरात पोहोचली आहे. कंगनाने सोमनाथ मंदिरातील तिचे काही फोटो सोशल मीडियावर शेअर केले आहेत. इंस्टाग्रामवर ही फोटो शेअर करताना त्यांनी कॅप्शनमध्ये लिहिले की, तेथील रामनामाच्या पुस्तकात भगवान राम यांचे नाव लिहिले आहे, त्यानंतर त्यांनी श्रीकृष्ण मोक्षभूमीला भेट दिली. सोमनाथ मंदिरा जवळच ते ठिकाण आहे जिथे भगवान श्री कृष्णाच्या पायाला बाण लागला होता आणि तेथेच त्यांना मोक्ष मिळाला होता, असेही अभिनेत्रीने पोस्टमध्ये सांगितले. सोमनाथच्या आधी कंगना द्वारकाधीश मंदिरात पोहोचली होती, जिथे तिने कृष्णाचे दर्शन घेतले. दरम्यान, मीडियाशी बोलताना अभिनेत्रीने लोकसभा निवडणूक लढवण्याचे मोठे संकेत दिले. गुजरातच्या प्रसिद्ध द्वारकाधीशाचे दर्शन घेतल्यानंतर अभिनेत्रीने मीडियाशी संवाद साधला. मीडिया कर्मचार्यांनी तिला पुढील लोकसभा निवडणूक लढवणार का, असे विचारले असता, कंगना म्हणाली, “श्री कृष्णाची इच्छा असेल तर मी निवडणूक लढवीन.” अशा परिस्थितीत ती कोणत्या पक्षातून निवडणूक लढवणार, असे प्रश्न लोकांच्या मनात निर्माण होत आहेत. निवडणूक लढविल्यास ती भाजपच्या तिकिटावर लढण्याची शक्यता आहे. कंगना अनेकवेळा भाजपला पाठिंबा देताना दिसली आहे. अशा परिस्थितीत ते स्वत: राजकारणामध्ये सहभागी होणे ही एक मोठी गोष्ट असू शकते. (फोटो स्त्रोत: @kanganaranaut/instagram)