Photos: ‘या’ व्यक्तीमुळे ‘तुला शिकवीन चांगलाच धडा’मधील अधिपतीची दिवाळी आहे खास; म्हणाला, “तिच्यामुळे….”

झी मराठीवरील 'तुला शिकवीन चांगलाच धडा' या मालिकेतील 'अधिपती' म्हणजेच अभिनेता हृषिकेश शेलारने प्रेक्षकांच्या मनात घर केले आहे. हृषिकेशने दिवाळीच्या काही आठवणी चाहत्यांबरोबर शेअर केल्या आहेत. शाळेच्या सुट्टीत आम्ही छत्रपती शिवाजी महाराज यांच्या रायगड, राजगड आणि अशा इतर काही किल्ल्यांवर सहलीला जायचो आणि तिथे फराळ करायचो. फक्त परिवारातील नाही तर कॉलनीमधली सगळे या सहलीमध्ये सामील असायचे पण आता शूटिंगमुळे हे सर्व शक्य नाही. मला लक्ष्यात आहे, २०१७ ची दिवाळी मी कुटुंबाबरोबर अमेरिकेत होतो आणि आम्ही न्यूयॉर्कच्या टाइम्स स्क्वेअरमध्ये बसून फराळ खाल्ला होता आणि मग ब्रॉडवेत नाटक पहिले होते. शूटिंगमुळे या वर्षी माझी दिवाळी मुंबईमध्ये साजरी होणार आहे. या दिवाळीत आई-बाबा घरी येणार आहेत. माझ्या मुलीची पहिली दिवाळी आहे. रुही १० महिन्याची आहे आणि तिच्यामुळे आमची सर्वांची दिवाळी खास असणार आहे. पहिली बेटी धनाची पेटी असं म्हणतात, रूहीचं पाऊल घरात पडले आणि माझे आयुष्य बदलून गेले. मला झी मराठीच्या 'तुला शिकवीन चांगलाच धडा' या मालिकेमध्ये पहिल्यांदा नायकाची भूमिका साकारायला मिळाली. मला कडक चकल्या आवडतात आणि माझी आई माझ्यासाठी खास त्या बनवते. मला सख्खी बहीण नाही पण माझ्या मावस बहिणी माझ्या सख्ख्या बहिणी सारख्या आहेत. भाऊबीजेच्या दिवशी आमच्या कडे मटणाचा बेत असतो आणि ते ठरलेले आहे आम्ही सर्वे झणझणीत मटणावर ताव मारतो. (सर्व फोटो सौजन्य : हृषिकेश शेलार / इन्स्टाग्राम) (हेही पाहा : 'गव्हाचे आणि तळलेले पदार्थ…'; वयाच्या पन्नाशीतही ऐश्वर्या नारकर आहेत फिट, सांगितलं फिटनेस रहस्य)