‘झिम्मा २’ मधील कलाकारांचे बालपणीचे फोटो पाहिलेत का? निर्मिती सावंत आणि सुचित्रा बांदेकरांना ओळखताही येईना…

भारतात १४ नोव्हेंबरला 'बालदिन' मोठ्या उत्साहात साजरा केला जातो. या निमित्ताने 'झिम्मा २'मधील कलाकारांचे बालपणीचे फोटो दिग्दर्शक हेमंत ढोमेने सोशल मीडियावर शेअर केले आहेत. 'झिम्मा २' येत्या २४ नोव्हेंबरपासून प्रेक्षकांच्या भेटीला येणार आहे. त्यापूर्वी यामधील कलाकारांचे बालपणीचे फोटो पाहूयात... अभिनेता सिद्धार्थ चांदेकर या चित्रपटात ट्रिप आयोजन करणाऱ्या 'कबीर'ची भूमिका साकारत आहे. रिंकू राजगुरू 'झिम्मा'च्या पहिल्या भागात नव्हती. आता चित्रपटाच्या सीक्वेलमध्ये ती तानिया हे निर्मिती सावंत यांच्या सुनेचं पात्र साकारणार आहे. अभिनेत्री सायली संजीवच्या भूमिकेचं नाव चित्रपटात कृतिका असं आहे. रिंकूप्रमाणे अभिनेत्री शिवानी सुर्वेचीही 'झिम्मा २' मध्ये नव्याने एन्ट्री झाली आहे. अभिनेत्री क्षिती जोग चित्रपटात मीताच्या भूमिकेत दिसेल. सुचित्रा बांदेकर आणि निर्मिती सावंत या दोन आघाडीच्या अभिनेत्रींचे बालपणीचे फोटो पाहून नेटकरी चांगलेच थक्क झाले आहेत. चित्रपटात सुचित्रा बांदेकर 'वैशाली', तर निर्मिती सावंत 'निर्मला' हे पात्र साकारणार आहेत. हा बहुचर्चित चित्रपट येत्या २४ नोव्हेंबरला प्रेक्षकांच्या भेटीला येणार आहे. ( सर्व फोटो सौजन्य : हेमंत ढोमे इन्स्टाग्राम )