अनन्या पांडेच्या टी-शर्टवर झळकलं आदित्य रॉय कपूरचं आडनाव, अभिनेत्रीच्या एअरपोर्ट लूकमुळे चर्चांना उधाण

बॉलीवूडमध्ये सध्या आदित्य रॉय कपूर आणि अनन्या पांडे यांच्या रिलेशनशिपची जोरदार चर्चा सुरू आहे. मध्यंतरी आदित्य-अनन्याच्या स्पेन ट्रिपचे फोटो सोशल मीडियावर बरेच व्हायरल झाले होते. अलीकडेच अनन्या पांडेने 'कॉफी विथ करण'च्या चॅट शोमध्ये आदित्यबरोबरच्या रिलेशनशिपवर अप्रत्यक्षपणे भाष्य केलं होतं. दोघांनीही अद्याप जाहीरपणे त्यांच्या नात्याची कबुली दिलेली नाही. दोघंही डेट करत असल्याच्या चर्चांदरम्यान, सध्या अभिनेत्रीचा एअरपोर्ट लूक सोशल मीडियावर प्रचंड व्हायरल होत आहे. यावेळी अभिनेत्रीने गुलाबी रंगाचा क्रॉप टॉप आणि पॅन्ट असा कॅज्युअल लूक केला होता. विमानतळावर अभिनेत्रीच्या टी-शर्टवर लिहिलेल्या 'कपूर' या नावाने सर्वांचं विशेष लक्ष वेधून घेतलं. आदित्यचं आडनाव कपूर असल्याने अनन्याने त्यांच्या नात्यावर शिक्कामोर्तब केल्याच्या चर्चांना उधाण आलं आहे. दरम्यान, अनन्या पांडेच्या कामाबद्दल सांगायचं झालं, तर शेवटची ती 'ड्रीम गर्ल २' या चित्रपटात झळकली होती. आता लवकरत ती 'खो गये हम कहा' चित्रपटात महत्त्वाची भूमिका साकारणा आहे.(फोटो सौजन्य: @varindertchawla/instagram)