Makar Sankranti: ‘तुला शिकवीन चांगलाच धडा’ मालिकेतील अभिनेत्रीने सांगितल्या पहिल्या मकरसंक्रांतीच्या आठवणी

झी मराठीवरील 'तुला शिकवीन चांगलाच धडा' या मालिकेचा प्रेक्षकांमध्ये बराच बोलबोला सुरु आहे. अभिनेत्री शिवानी रांगोळे या मालिकेत 'अक्षरा'ची भूमिका साकारत आहे. या मालिकेत 'अक्षरा'ची लग्नानंतरची पहिली मकरसंक्रांत असणार आहे. शिवानीने लग्नानंतरच्या पहिल्या मकरसंक्रांतीच्या काही आठवणी सांगितल्या आहेत. पहिल्या मकरसंक्रांतीला शिवानीने काळ्या रंगाची पैठणी साडी नेसली होती. विराजसने काळ्या रंगाचा कुर्ता परिधान केला होता. शिवानी आणि विराजसने हलव्याचे दागिने परिधान करुन फोटोशूट केले होते. लग्नानंतरची पहिली मकरसंक्रांत ही नेहमी खास असते. यावर्षी विराजस त्याच्या नाटकाच्या प्रयोगात व्यग्र आहे. शिवानीदेखील 'तुला शिकवीन चांगलाच धडा'च्या शूटिंगमध्ये व्यग्र असणार आहे. जर आम्हाला सुट्टी मिळाली शिवानी आणि विराजस आईच्या हातचं स्वादिष्ट जेवण जेवायला पुण्याच्या घरी जाणार आहेत. मकरसंक्रांतची अस्सल मज्जा आमच्या पुण्याच्या घरच्या गच्चीवर येते तिथे आम्ही मस्त पतंग उडवतो असे शिवानीने सांगितले. (सर्व फोटो सौजन्य : शिवानी रांगोळे/इन्स्टाग्राम) (हेही पाहा : प्रसाद ओकचा नव्या घरात गृहप्रवेश; मुख्यमंत्री एकनाथ शिंदेसह मंगेश देसाई यांची खास उपस्थिती)