Makar Sankranti 2024: काळी साडी, हलव्याचे दागिने आणि… राणादा-पाठकबाईंची पहिली मकरसंक्रांत थाटात साजरी

मराठी मनोरंजनसृष्टीतील लोकप्रिय जोडी म्हणजे अभिनेत्री अक्षया देवधर आणि अभिनेता हार्दिक जोशी. २ डिसेंबर २०२२ रोजी अक्षया आणि हार्दिक लग्नबंधनात अडकले. गेल्या महिन्यात अक्षया आणि हार्दिकने लग्नाचा पहिला वाढदिवस साजरा केला होता. काल (१५ जानेवारी) रोजी अक्षया आणि हार्दिकने लग्नानंतरची पहिली मकरसंक्रांत थाटात साजरी केली. मकरसंक्रांतसाठी अक्षयाने काळ्या रंगाची सुंदर साडी नेसली होती. काळ्या साडीवर अक्षयाने हिरव्या रंगाचा आरी वर्क केलेला डिझायनर ब्लाऊज परिधान केला आहे. हार्दिकने मकरसंक्रांतसाठी काळ्या रंगाचा कुर्ता परिधान केला होता. हलव्याच्या दागिन्यांमध्ये अक्षया आणि हार्दिकचं सौंदर्य खुललं आहे. 'आमची पहिली मकरसंक्रांती #अहा' असे कॅप्शन अक्षयाने या फोटोंना दिले आहे. हार्दिक सध्या झी मराठीवरील 'जाऊ बाई गावात' या कार्यक्रमात काम करत आहे. (सर्व फोटो सौजन्य : अक्षया देवधर आणि हार्दिक जोशी/इन्स्टाग्राम) (हेही पाहा : सई लोकूरने शेअर केले सख्ख्या मोठ्या बहिणीबरोबरचे फोटो; जाणून घ्या तिच्याबद्दल)