Photos: ‘या’ मराठी कलाकारांनी साजरी केली लग्नानंतरची पहिली मकरसंक्रांत; पाहा खास फोटो

Makar Sankranti 2024: नव्या वर्षातील पहिला सण म्हणजे मकरसंक्रांत. नववधूंसाठी तर हा सण नावीन्याचा असतो. मकरसंक्रांतीच्या सणाला काळा रंग आवर्जून परिधान केला जातो. अभिनेत्री अक्षया देवधर आणि अभिनेता हार्दिक जोशीने लग्नानंतरची पहिली मकरसंक्रांत थाटात साजरी केली. अक्षयाने या फोटोंना 'आमची पहिली मकरसंक्रांती #अहा' असे कॅप्शन दिले आहे. 'महाराष्ट्राची हास्यजत्रा' फेम अभिनेत्री वनिता खरातने पती सुमित लोंढेबरोबर लग्नानंतरची पहिली मकरसंक्रांत साजरी केली. मकरसंक्रांतीसाठी वनिताने काळ्या रंगाची साडी नेसली होती तर सुमितने काळ्या रंगाचा कुर्ता परिधान केला होता. अभिनेत्री अमृता देशमुख आणि अभिनेत्रा प्रसाद जवादेने लग्नानंतरची पहिली मकरसंक्रांत साजरी केली. या दोघांनी सुंदर असे हलव्याचे दागिने परिधान केले होते. अभिनेता संकेत पाठक आणि अभिनेत्री सुपर्णा श्यामने लग्नानंतरची पहिली मकरसंक्रांत साजरी केली. हलव्याच्या दागिन्यांमध्ये खुललं सुपर्णा आणि संकेतचं सौंदर्य... अभिनेत्री सोनल पवार आणि समीर पौलस्तेने साजरी केली लग्नानंतरची पहिली मकरसंक्रांत. मकरसंक्रांतीनिमित्त या दोघांनी सुंदर फोटोशूट केले आहे. (सर्व फोटो सौजन्य : मराठी कलाकार/इन्स्टाग्राम) (हेही पाहा : माधुरी दीक्षितचा निळ्या फ्लोरल प्रिंट लेहेंग्यातील सुंदर लूक चर्चेत)