Photos: अनंत अंबानींना झालेला ‘हा’ आजार, ‘असं’ कमी केलं १०८ किलो वजन

गेल्या काही दिवसांपासून अनंत अंबानी त्यांच्या प्री-वेडिंग सोहळ्यामुळे खूप चर्चेत आहेत. १ मार्चपासून सुरू झालेला हा प्री-वेडिंग सोहळा ३ मार्चला संपला. अनंत अंबानी व राधिका मर्चंट यांच्या प्री-वेडिंग सोहळ्याला हॉलीवूड, बॉलीवूडपासून उद्योग जगतातील आणि राजकारणी मंडळी उपस्थित राहिली होती. अजूनही या सोहळ्याचे फोटो आणि व्हिडीओ चर्चेत आहेत. प्री-वेडिंग सोहळ्यादरम्यान अनंत अंबानींनी कमी केलेल्या वजनाविषयी बोललं जात आहे. १८ महिन्यांमध्ये १०८ किलो वजन कमी करत अनंत यांनी काहीही अशक्य नसतं हे सिद्ध करू दाखवलं होतं. अनंत अंबानींचं वजन २०८ किलो होतं. त्यांचं हे वजन का वाढलं? आणि त्यांनी कसं कमी केलं? जाणून घ्या… २०१७मधील एका मुलाखतीमध्ये अनंत अंबानींची आई नीता अंबानी यांनी दिलेल्या माहितीनुसार, अनंत यांना दम्याचा आजार खूप गंभीर स्वरुपात होता. दम्याच्या उपचारासाठी अनंत अंबानी बराच काळ स्टेरॉइड घेत होते. यामुळे त्यांचं वजन अधिकच वाढत गेलं. अनंत यांना दम्यामुळे वजन कमी करताना खूप अडचणी निर्माण झाल्या होत्या. पण अनंत अंबानी यांनी योग्य आहार व नियमित व्यायामाच्या मदतीने १८ महिन्यात तब्बल १०८ किलो वजन कमी करून दाखवलं.