Photos: डॅडींचा जावई झळकणार आता ‘स्टार प्रवाह’च्या नव्या मालिकेत, पाहा नव्या भूमिकेतील फोटो

1/12

‘स्टार प्रवाह’ वाहिनीवर येत्या १८ मार्चपासून दोन नव्या मालिका सुरू होतं आहेत. ‘घरोघरी मातीच्या चुली’ आणि ‘साधी माणसं’ या दोन नव्या मालिका प्रेक्षकांच्या भेटीस येत आहेत.

2/12

गेल्या काही दिवसांपासून ‘घरोघरी मातीच्या चुली’ आणि ‘साधी माणसं’ दोन मालिकांची जोरदार चर्चा सुरू आहे. याशिवाय या मालिकेतील कलाकारांविषयी देखील चर्चा रंगली आहे.

3/12

रेश्मा शिंदे व सुमीत पुसावळे यांची ‘घरोघरी मातीच्या चुली’ मालिका १८ मार्चपासून ७.३० वाजता, तर शिवानी बावकर व आकाश नलावडे यांची ‘साधी माणसं’ ही मालिका ७ वाजता पाहायला मिळणार आहे.

4/12

याच दोन नव्या मालिकेतील एका मालिकेत डॅडी अरुण गवळींचा जावई म्हणजे अभिनेता अक्षय वाघमारे झळकणार आहे.

5/12

अक्षय वाघमारे यापूर्वी ‘स्टार प्रवाह’च्या ‘ठिपक्यांची रांगोळी’ या मालिकेत पाहायला मिळाला होता.

6/12

‘ठिपक्यांची रांगोळी’मध्ये अक्षयने नेत्राचा नवरा निनादची भूमिका उत्तमरित्या साकारली होती. त्यानंतर आता तो ‘स्टार प्रवाह’च्या नव्या मालिकेत दिसणार आहे.

7/12

रेश्मा शिंदे, सुमीत प्रभुणे, सविता प्रभुणे, प्रमोद पवार, उदय नेने, आरोही सांबरे अभिनीत ‘घरोघरी मातीच्या चुली’ या मालिकेत अक्षय झळकणार आहे.

8/12

काही दिवसांपूर्वी ‘घरोघरी मातीच्या चुली’ या मालिकेच्या आलेल्या प्रोमोमध्ये अक्षय दिसला.

9/12

रणदिवे फॅमिली फोटोमध्ये अक्षय पाहायला मिळाला. पण ‘घरोघरी मातीच्या चुली’मध्ये अक्षय कुठल्या भूमिकेत झळकणार हे अजून गुलदस्त्यात आहे.

10/12

अक्षयच्या कामाबद्दल बोलायचं झालं तर, त्याचा १२ जानेवारीला ‘खुर्ची’ या चित्रपट प्रदर्शित झाला होता.

11/12

‘खुर्ची’ या चित्रपटात अक्षयसह राकेश बापट झळकला होता.

12/12

आता अक्षयला ‘घरोघरी मातीच्या चुली’ या नव्या मालिकेत पाहण्यासाठी चाहते उत्सुक आहेत.