Photos: राखी सावंतचा पूर्वाश्रमीचा पती आदिल खानच्या लग्नाचे फोटो सोशल मीडियावर व्हायरल

राखी सावंतचा पूर्वाश्रमीचा पती आदिल खान दुर्रानीने ०३ मार्च रोजी दुसऱ्यांदा लग्नगाठ बांधली. इन्स्टाग्रामवर आदिलने लग्नसोहळ्यातील काही खास फोटो शेअर केले आहेत. आदिल 'बिग बॉस १२' फेम अभिनेत्री सोमी खानबरोबर लग्नबंधनात (निकाह) अडकला. आदिल आणि सोमीचा लग्नसोहळा जयपूरमध्ये पार पडला. लग्नसोहळ्यासाठी सोमीने लाल रंगाचा लेहेंगा परिधान केला होता. आदिलने लग्नासाठी पांढऱ्या रंगाची शेरवानी परिधान केली होती. सध्या सोशल मीडियावर आदिल आणि सोमीच्या लग्नाचे फोटो व्हायरल झाले आहेत. सोमीने 'न्याय', 'केसरिया बालम' आणि 'हमारा हिंदुस्तान' या टीव्ही शोमध्ये काम केले आहे. राखी सावंत व आदिल खानने २०२२ मध्ये लग्न केले होते. लग्नानंतर वर्षभरातच राखी आणि आदिल विभक्त झाले होते. (सर्व फोटो सौजन्य : आदिल खान दुर्रानी/इन्स्टाग्राम) (हेही पाहा : 'झी चित्र गौरव' पुरस्कार सोहळ्यासाठी अश्विनी भावेंचा खास लूक; निवेदिता सराफांच्या कमेंटने वेधलं लक्ष)