स्टार प्रवाह पुरस्कार : ‘ठरलं तर मग’ मालिकेने एकूण किती अवॉर्ड्स जिंकले? अर्जुन-सायली ठरले यंदाचे…; जाणून घ्या

‘स्टार प्रवाह परिवार पुरस्कार’ सोहळा नुकताच पार पडला. गेल्या काही वर्षांपासून सगळ्या मराठी वाहिन्यांमध्ये स्टार प्रवाह टीआरपीच्या शर्यतीत आघाडीवर आहे. स्टार प्रवाहवर सुरू असणारी ‘ठरलं तर मग’ मालिका छोट्या पडद्यावर गेली दीड वर्षे अधिराज्य गाजवत आहे. या मालिकेतील प्रत्येक पात्राला प्रेक्षकांचं भरभरून प्रेम मिळालं. त्यामुळे साहजिकच यंदाच्या ‘स्टार प्रवाह परिवार पुरस्कार २०२४’मध्ये या मालिकेचा दबदबा पाहायला मिळाला. जुई गडकरी व अमित भानुशाली यांच्या मुख्य भूमिका असणारी ‘ठरलं तर मग’ मालिका यंदा ‘स्टार प्रवाह’ची महामालिका ठरली आहे. याशिवाय 'ठरलं तर मग'च्या सुभेदार कुटुंबीयांना यंदाचा 'सर्वोत्कृष्ट परिवार' हा पुरस्कार मिळाला आहे. अर्जुन-सायलीने यंदाची ‘सर्वोत्कृष्ट अनुरुप जोडी’ या पुरस्कारावर आपलं नाव कोरलं आहे. दरम्यान, सध्या या मालिकेतील कलाकारांवर प्रेक्षक शुभेच्छांचा वर्षाव करत आहेत. ( सर्व फोटो सौजन्य : स्टार प्रवाह इन्स्टाग्राम )