दहा कोटींचं आलिशान घर अन्…; तापसी पन्नूची संपत्ती ऐकून व्हाल थक्क

तापसी तिचा बॉयफ्रेंड मॅथियास बोबरोबर लग्नबंधनात अडकल्याची चर्चा सुरू आहे. दरम्यान तापसीची जीवनशैली, प्रवास, मालमत्ता, संपत्ती याबद्दल जाणून घेऊयात. तापसी पन्नू आणि तिची बहीण शगून यांचं ‘पन्नू पिंड’ नावाचं 3bhk मॉडर्न घर आहे. ट्रायबल प्रिन्ट्स, महाराजा स्टाईलचे पलंग आणि अनोखी सजावट असणारे हे घर तब्बल १० कोटींचं आहे. मर्सिडीज GLE 250D, जीप कंपास, BMW 3-Series GT, BMW X1, आणि Audi A8L असं कार कलेक्शन तापसी पन्नूकडे आहे. निर्मिती क्षेत्रात पाऊल टाकत तापसीने उद्योग क्षेत्रातील दिग्गज प्रांजल खंढडिया यांच्या सहकार्याने 'आउटसाइडर्स फिल्म्स'ची स्थापना केली. अभिनय आणि निर्मितीव्यतिरिक्त तापसी पन्नू ब्रँड एंडोर्समेंटद्वारे ३५ ते ४० लाख फी आकारते. मनोरंजन क्षेत्राच्या पलीकडे, प्रीमियर बॅडमिंटन लीगमध्ये पुणे सेव्हन एसेस संघाची मालकी घेऊन तापसी पन्नूने तिची उद्योजकता दाखवली. चार कोटी रुपयांच्या अंदाजे वार्षिक उत्पन्नासह, तापसी पन्नूचं नेटवर्थ रु. ४६ कोटी असण्याची शक्यता आहे.