Photos: पैठणी साडी, नाकात नथ अन् मराठमोळा साज; मराठी कलाकारांनी ‘असा’ साजरा केला गुढीपाडवा

आज गुढीपाडवा व हिंदू नवीन वर्ष आहे. आज सगळीकडे गुढीपाडव्याचा उत्साह पाहायला मिळत आहे. मराठी सेलिब्रिटीही गुढीपाडवा साजरा करत आहेत. अभिनेत्री अमृता खानविलकरने मराठमोळ्या पारंपरिक अंदाजात गुढीपाडवा साजरा केला. अपूर्वा गोरे हिनेही पारंपरिक पद्धीने पाडवा साजरा केला आणि इन्स्टाग्रामवर फोटो पोस्ट केले. अभिनेत्री अश्विनी महांगडेनेदेखील हिरवी साडी नेसत, नाकात नथ घालून मराठमोळा साज केला. अभिनेता स्वप्निल जोशीनेही गुढीपाडव्याच्या शुभेच्छा दिल्या आहेत. ठरलं तर मग फेम जुई गडकरीनेही गुढीबरोबरचा फोटो शेअर केला आहे. प्रार्थना बेहेरेने खास अंदाजात पाडव्याच्या शुभेच्छा दिल्या आहेत. महाराष्ट्राची हास्यजत्रामधील अभिनेत्रींनी डोंबिवलीत गुढीपाडवा साजरा केला. अभिनेता प्रसाद ओकनेही घरी गुढी उभारली. त्याची पत्नी मंजिरीने पारंपरिक पद्धतीने गुढीची पूजा केली. प्रसादने मुलाचा गुढीबरोबरचा फोटो शेअर केला आहे. प्रथमेश परब व क्षितिजा घोसाळकर यांनी लग्नानंतरचा पहिला गुढीपाडवा खास पद्धतीने साजरा केला. अभिनेत्री रुपाली भोसलेने गुढीबरोबरचा फोटो शेअर करत चाहत्यांना शुभेच्छा दिल्या आहेत. अभिनेत्री सायली संजीवने गुढीची पूजा करतानाचा फोटो शेअर केला आहे. (सर्व फोटो- संबंधित कलाकारांच्या इन्स्टाग्रामवरून साभार)