Photos: दिवंगत अभिनेत्री अश्विनी एकबोटेंची होणारी सून कोण आहे? जाणून घ्या…

सध्या अनेक मराठी कलाकार साखरपुडा, लग्न करताना दिसत आहेत. लवकरच दिवंगत अभिनेत्री अश्विनी एकबोटे यांचा मुलगा शुभंकर एकबोटे देखील लग्नबंधनात अडकणार आहे. गेल्यावर्षी नोव्हेंबर महिन्यात शुभंकर एकबोटेचा अमृता बने हिच्याशी मोठ्या थाटामाटात लग्नसोहळा पार पडला होता. साखरपुड्याच्या चार महिन्यांनंतर ६ एप्रिलला शुभंकर व अमृताचा व्याही भोजनाचा कार्यक्रम झाला. शुभंकर व अमृताच्या व्याही भोजनाचे फोटो, व्हिडीओ सोशल मीडियावर तुफान व्हायरल झाले होते. पण शुभंकरची होणारी बायको आणि दिवंगत अभिनेत्री अश्विनी एकबोटेंची होणारी सून कोण आहे? हे जाणून घ्या… अश्विनी एकबोटेंची होणारी सून अमृता बने ही देखील अभिनय क्षेत्रात काम करते. अमृताने आतापर्यंत बऱ्याच मालिकांमध्ये काम केलं आहे. 'वैजू नंबर वन' मालिकेत अमृता रिटाच्या भूमिकेत झळकली होती. तसेच लोकप्रिय मालिका 'रंग माझा वेगळा'मध्ये तिने निकिताची भूमिका साकारली होती. 'झी मराठी'च्या 'सातव्या मुलीची सातवी मुलगी' या मालिकेत अमृता मनोरमाच्या भूमिकेत पाहायला मिळाली होती. सध्या अमृता 'सन मराठी' वाहिनीवरील 'कन्यादान' मालिकेत वृंदाच्या भूमिकेत दिसत आहे. याच मालिकेमुळे अमृता व शुभंकरची जोडी जमली. 'कन्यादान' या मालिकेत ऑनस्क्रीन अमृता व शुभंकर नवरा-बायकोचं काम करत आहेत. आता खऱ्या आयुष्यातही अमृता व शुभंकर नवरा-बायको होणार आहेत. अमृता व शुभंकरच्या लग्नाची तारीख अद्याप गुलदस्त्यात आहे.पण दोघं लवकरच लग्न करणार असल्याचं बोललं जात आहे. इन्स्टाग्राम स्टोरीवरील फोटोवरून दोघांकडे लग्नाची जोरदार तयारी सुरू असल्याचं पाहायला मिळत आहे. (All Photos Credit - Instagram And Loksatta Graphics)