Photos : “निरोप घेतो आता आम्हा आज्ञा असावी…”, अडीच वर्षांनी ‘ही’ लोकप्रिय मालिका होणार बंद, कलाकार झाले भावुक

टेलिव्हिजन विश्वातील एक लोकप्रिय मालिका लवकरच प्रेक्षकांचा निरोप घेणार आहे. अविनाश नारकर या मालिकेत प्रमुख भूमिका साकारत आहेत. 'सन मराठी' वाहिनीवरील 'कन्यादान' मालिका लवकरच बंद होणार आहे. या मालिकेत अविनाश नारकर यांच्यासह अनिषा सबनीस, संग्राम साळवी, अमृता बने, स्मितल हळदणकर, चेतन गुरव, शुभंकर एकबोटे असे अनेक कलाकार प्रमुख भूमिकेत आहेत. 'कन्यादान' मालिका गेली अडीच वर्षे प्रेक्षकांच्या मनावर अधिराज्य गाजवत आहे. आता लवकरच मालिका बंद होणार असल्याने सेटवर चित्रीकरण पूर्ण झाल्यावर शेवटचा दिवस साजरा करण्यात आला. यावेळी बहुतांश कलाकार भावुक झाल्याचं पाहायला मिळालं. अभिनेत्री स्मितलने शेअर केलेल्या पोस्टला "निरोप घेतो आता आम्हा आज्ञा असावी..." असं कॅप्शन देण्यात आलं आहे. या व्रॅपअप पार्टीचे फोटो कलाकारांनी सोशल मीडियावर शेअर केले आहेत. आता 'कन्यादान' मालिकेच्या जागी लवकरच 'आदिशक्ती' ही नवीन मालिका प्रेक्षकांच्या भेटीला येणार आहे. ( सर्व फोटो सौजन्य : स्मितल हळदणकर इन्स्टाग्राम )