Photos: ‘ठरलं तर मग’ मालिकेसाठी जुई गडकरीला लपवावे लागतात टॅटू; जाणून घ्या त्यांचे अर्थ

'पुढचं पाऊल', 'ठरलं तर मग' अशा मराठी मालिकांमधून अभिनेत्री जुई गडकरी घराघरांत पोहोचली. स्टार प्रवाह वाहिनीवरील 'ठरलं तर मग' या मालिकेतील अभिनेत्री जुई गडकरीचं सायली पात्र प्रेक्षकांच्या पसंतीस उतरलंय. जुई गडकरीला टॅटू आवडत असल्याने तिच्या हातावर आणि पाठीवर अनेक टॅटू आहेत. पण 'ठरलं तर मग' या मालिकेतील सायली या व्यक्तिरेखेसाठी जुईला हे टॅटू लपवावे लागतात. जुईने याबाबत तिच्या इन्स्टाग्राम अकाउंटवर स्टोरीदेखील शेअर केली होती. ज्यात मेकअपच्या साह्याने जुईचे टॅटू लपवले जात होते. जुईच्या टॅटूबद्दल सांगायचं झालं तर अभिनेत्रीच्या पाठीवर मोरपीस असलेला एक टॅटू आहे. तर जुईच्या हातावर बुलेटप्रूफ नावाचा एक टॅटू आहे. याचा टॅटूचा अर्थ सांगताना जुई म्हणाली होती, एक स्त्री कशी बुलेटप्रूफ असते. कोणीही तिला कितीही त्रास दिला तरी ती तितकीच मजबूत असते, तशीच मी आहे. मी बुलेटप्रूफ आहे. जुईच्या दुसऱ्या हातावर बेबी एंजलचा टॅटू आहे आणि त्याच टॅटूला जोडून मांजरीचे पाय आहेत. आईची तिच्या बाळांसाठीची काळजी दाखविणारा हा टॅटू आहे. (All Photos- juigadkariofficial/Instagram)