MET GALA PHOTOS: आलिया भट्ट, ईशा अंबानी ते कार्डी बी, मेट गालामधील ‘या’ सेलिब्रिटींच्या लूकची होतेय चर्चा

६ मे २०२४ रोजी न्यू यॉर्कमधील मेट्रोपॉलिटन म्युझियम ऑफ आर्टमध्ये मेट गालाचं आयोजन करण्यात आलं होतं. यात आलिया भट्ट, ईशा अंबानीसह अनेक भारतीय उद्योजिकांनी हजेरी लावली होती. २०२३ नंतर अभिनेत्री आलिया भट्टने हटके अंदाजात मेट गालाच्या रेड कार्पेटवर एन्ट्री मारली आहे. यावर्षीच्या मेट गालासाठी अभिनेत्रीने 'सब्यसाची'ची डिझायनर फ्लोरल साडी परिधान केली होती. ईशा अंबानीने राहुल मिश्रा यांचा डिझायनर साडी गाऊन परिधान केला होता. फुलपाखरू आणि फुलांनी सजवलेल्या या गाऊनला बनवायला तब्बल १०,००० तास लागले. अमेरिकन अभिनेत्री आणि गायिका जेंडयाने (Zendaya) निळ्या आणि हिरव्या रंगाचा डिझायनर ड्रेस परिधान केला होता. तिचा पोशाख मोराच्या रंगासारखा होता. अभिनेत्रीने डोक्यावर मोठे मोराचे पीस लावले होते. उद्योजिका नताशा पूनावालाने डिझायनर जॉन गॅलियानोशी कोलॅब करून काळ्या आणि सफेद रंगाचा अबस्ट्रॅक्ट गाऊन परिधान केला होता. या लूकसाठी तिने मॅचिंग मोठी हॅटदेखील घातली होती. सुप्रसिद्ध अमेरिकन रॅपर कार्डी बीने (Cardi B) काळ्या रंगाचा ट्यूल गाऊन परिधान केला होता. व्यावसायिका मोना पटेल हिने लेयर्ड फ्लोरल गाऊन परिधान केला होता. सुप्रसिद्ध किम कार्देशियन (Kim Kardashian) हिने सिल्वर रंगाचा कोरसेट ड्रेस परिधान केला होता. अमेरिकन गायिका दोजा कॅटने (Doja Cat) चक्क भिजलेला पारदर्शक टी-शर्ट घातला होता. (All Photos- Social Media)