Photos: ‘धर्मवीर २’ चित्रपटात झळकणार सिद्धार्थ जाधव, पाहा फोटो

लोकप्रिय मराठी अभिनेता सिद्धार्थ जाधव आपल्या दमदार अभिनयाबरोबरच विनोदी शैलीमुळे जास्त ओळखला जातो. अभिनेत्याने मराठीसह हिंदी सिनेसृष्टीत स्वतःची स्वतंत्र ओळख निर्माण केली आहे. मराठी सिनेसृष्टीतील आघाडीच्या अभिनेत्यांपैकी एक असलेला सिद्धार्थ 'धर्मवीर २' चित्रपटात झळकणार आहे. बहुचर्चित व बहुप्रतीक्षित 'धर्मवीर २' चित्रपटातील एका गाण्यात सिद्धार्थ जाधव पाहायला मिळणार आहे. काही दिवसांपूर्वी अभिनेता ‘धर्मवीर २’ चित्रपटातील गाण्याच्या चित्रीकरण करताना दिसला होता. 'धर्मवीर २' चित्रपटातील या गाण्याच्या चित्रीकरणाचा व्हिडीओ अभिनेते, निर्माते मंगेश देसाईंनी त्यांच्या इन्स्टाग्राम स्टोरीवर शेअर केला होता. त्यामुळे ‘धर्मवीर २’ चित्रपटातील एका गाण्यात सिद्धार्थ झळकणार असल्याचं समोर आलं होतं. याशिवाय सिद्धार्थने देखील इन्स्टाग्रामवर गाण्याच्या चित्रीकरणाचे फोटो शेअर केले आहेत. माहितीनुसार, 'धर्मवीर २' चित्रपटातील या गाण्यात सिद्धार्थबरोबर अभिनेत्री सोनाली कुलकर्णी असल्याचं म्हटलं जात आहे. 'धर्मवीर २' चित्रपटाचा मुहूर्त सोहळा गेल्यावर्षी नोव्हेंबरमध्ये पार पडला होता. त्यामुळे आता चाहत्यांना या चित्रपटाची उत्सुकता लागली आहे. (सर्व फोटो सौजन्य - सिद्धार्थ जाधव इन्स्टाग्राम)