रमा-राघव ते अर्जुन-सावी! ‘कलर्स मराठी’वर एकत्र आल्या ‘सावित्री’, साजरी केली वटपौर्णिमा

वटपौर्णिमा हा हिंदू संस्कृतीतील एक महत्वाचा सण मानला जातो. 'कलर्स मराठी'च्या प्रत्येक मालिकेत सध्या वटपौर्णिमा विशेष भाग सुरु आहेत. 'रमा-राघव' मालिकेत कुटुंब जोडताना राघवची मिळणारी साथ कायम अशीच राहूदेत असं म्हणत रमा वडाची पूजा करणार आहे. 'पिरतीचा वनवा उरी पेटला' या मालिकेत सावी अन् अर्जुन एकत्र वटपौर्णिमेची पूजा करणार आहेत. 'सुख कळले' या मालिकेत मिथिला तिच्या सुखी संसारासाठी प्रार्थना करत आहे. 'इंद्रायणी' मालिकेत वटपौर्णिमेच्या शुभदिनी शकुंतला पूजेसाठी इंदूला घेऊन जाणार आहे. तसेच 'सुख कळले' मालिकेत माधव मिथिलाला वचन देतो की, वटपौर्णिमेपर्यंत तो बँकेच्या फसवणुकीमागील खरा गुन्हेगार कोण आहे, हे शोधून काढणार आहे. आता मालिकांमध्ये पुढे काय घडणार याची उत्सुकता प्रेक्षकांच्या मनात निर्माण झाली आहे. या सगळ्याच नायिका वटपौर्णिमेसाठी केलेल्या पारंपरिक लूकमध्ये अतिशय सुंदर दिसत आहेत. ( सर्व फोटो सौजन्य : कलर्स मराठी वाहिनी )