“ती तुझ्यापेक्षा चांगली…”, तेजस्वी प्रकाश-करण कुंद्राच्या लंडनमधील फोटोंवर चाहत्यांच्या भन्नाट कमेंट्स

अभिनेता करण कुंद्रा सध्या अभिनेत्री तेजस्वी प्रकाशसह लंडनमध्ये सुट्ट्यांचा आनंद घेत आहे. यासंबंधीचे क्यूट फोटो दोघेही त्यांच्या सोशल मीडिया अकाऊंटवर शेअर करत आहेत. गेल्या काही दिवसांपासून दोघांमध्ये भांडण होत असल्याने करण आणि तेजस्वीने ब्रेकअप करण्याचा निर्णय घेतला असावा असे म्हटले जात होते. न्यूज-१८ने सूत्रांच्या सांगण्यानुसार दिलेल्या बातमीत म्हटले होते की करण आणि तेजस्वी आता एकमेकांना डेट करत नाही आहेत. अशातच दोघांनी सोशल मीडियावर नवे फोटो पोस्ट करत चाहत्यांना दिलासा दिला आहे. दोघांना एकत्र चांगला वेळ घालवताना पाहून चाहत्यांना आनंद झाला आहे. त्यांचे गोंडस फोटो सोशल मीडियावर व्हायरलही होत आहेत. एकत्र फोटोसह करणने त्याचे एकट्याचे फोटोही शेअर केले आहेत. यामध्ये तो वेगवेगळ्या गोष्टी करताना दिसत आहेत. साहजिकच हे फोटो तेजस्वीने काढले आहेत. अशातच करणच्या फोटोंवर चाहत्यांनी भन्नाट कमेंट केल्या आहेत. एका चाहत्याने म्हटले आहे की 'तेजस्वी तुझ्यापेक्षा जास्त चांगले फोटो काढते.'