Bigg Bossचं नवीन घर पाहिलंत का? प्रशस्त जागा, काचेच्या महालासारखी सजावट अन्…; पाहा सुंदर फोटो

'बिग बॉस मराठी'च्या पाचव्या सीझनचं घर कसं असणार याबद्दल प्रत्येकाच्या मनात उत्सुकता होती. अखेर या घराची पहिली झलक प्रेक्षकांसमोर आली आहे. 'बिग बॉस'च्या घरात एन्ट्रीलाच भव्य प्रवेशद्वार आहे. प्रशस्त अशा हॉलमध्ये स्पर्धकांसाठी आरामदायी अशा आधुनिक फर्निचरची निर्मिती करण्यात आली आहे. यंदा कॅप्टन रुम अन् बेडरुमला निळ्या व जांभळ्या रंगाच्या थीममध्ये सजवण्यात आलं आहे. कॅप्टन रुमला अतिशय ड्रिमी लूक देण्यात आला आहे. यंदा घरातील किचन मॉर्डन सुख-सुविधांनी सुसज्ज असं आहे. स्पर्धकांना वेळ घालवण्यासाठी व टास्क खेळण्यासाठी प्रशस्त असं गार्डन देण्यात आलं आहे. गार्डन परिसरात स्विमिंग पूल सुद्धा आहे. तसेच 'बिग बॉस'मध्ये यावर्षी पहिल्यांदाच बाल्कनी असणार आहे. संपूर्ण घर काचेच्या महालासारखं सजवण्यात आलं आहे. 'बिग बॉस'च्या नव्या पर्वाचं हे घर सध्या सर्वांच्या पसंतीस उतरलं आहे. ( सर्व फोटो सौजन्य : बिग बॉस मराठी व कलर्स मराठी वाहिनी इन्स्टाग्राम )