Photos : रणवीर-दीपिकाचं मॅटर्निटी फोटोशूट! अभिनेत्रीने पहिल्यांदाच फ्लॉन्ट केला बेबी बंप, फोटो एकदा पाहाच

बॉलीवूडचं स्टार जोडपं दीपिका पदुकोण व रणवीर सिंह लवकरच आई-बाबा होणार आहेत. सप्टेंबर महिन्यात घरी पाळणा हलणार असल्याचं दीपिकाने पोस्ट शेअर करत यापूर्वी सांगितलं होतं. बाळाच्या आगमनाआधी रणवीर-दीपिकाने मॅटर्निटी फोटोशूट केलं आहे. अभिनेत्रीने प्रेग्नन्सी दरम्यान पहिल्यांदाच बेबी बंप फ्लॉन्ट करत हटके फोटोशूट केलं आहे. लवकरच आई होणारी दीपिका पदुकोण या सगळ्या फोटोंमध्ये बेबी बंपसह अतिशय ग्लॅमरस व बोल्ड दिसत आहे. मॅटर्निटी फोटोशूटमध्ये रणवीरचा रोमँटिक अंदाज पाहायला मिळत आहे. दीपिका व रणवीरने एकमेकांना अनेकवर्षे डेट केल्यावर २०१८ मध्ये लग्नगाठ बांधली. 'रामलीला' चित्रपटाच्या सेटवर त्यांची प्रेमकहाणी खऱ्या अर्थाने फुलली. आता लग्नाला ६ वर्षे पूर्ण होत असताना या स्टार जोडप्याच्या घरी नव्या बाळाचं आगमन होणार आहे. सध्या या जोडप्याचं मॅटर्निटी फोटोशूट सोशल मीडियावर व्हायरल होत आहे. नेटकऱ्यांसह अनेक बॉलीवूड सेलिब्रिटींनी या जोडप्यावर कौतुकाचा वर्षाव केला आहे. अभिनेत्री अमृता खानविलकरने या फोटोशूटवर "उफ नजर ना लगे" अशी कमेंट केली आहे. बाळाचा जन्म झाल्यावर रणवीर-दीपिका वांद्रे येथील नव्या घरात शिफ्ट होणार आहेत. आता दीपिका २०२५ पर्यंत कोणत्याही प्रोजेक्टवर काम करणार नसल्याचं सांगितलं जात आहे. ( सर्व फोटो सौजन्य : दीपिका पदुकोण व रणवीर सिंह इन्स्टाग्राम )