Photos: काजोलने असा साजरा केला आई तनुजा यांचा ८१ वा वाढदिवस; पाहा खास फोटो

Happy Birthday Tanuja: ७० च्या दशकातील लोकप्रिय अभिनेत्री तनुजा (Tanuja) यांनी वयाच्या ८१ व्या वर्षात पदार्पण केले आहे. बॉलिवूड अभिनेत्री काजोल (Kajol) आणि तिची बहिण तनिषा मुखर्जीने (Tanishaa Mukerji) आई तनुजा यांचा ८१ वा वाढदिवस आज (२३ सप्टेंबर) साजरा केला. वाढदिवासाच्या सेलिब्रेशनचे काही खास फोटो काजोलने सोशल मीडियावर शेअर केले आहेत. तनुजा यांच्या वाढदिवसानिमित्त खास केक आण्यात आला होता. तनुजा यांनी आपली मोठी बहीण नूतन (Nutan) हीच्यासह बालकलाकार म्हणून 'हमारी बेटी' या चित्रपटातून पदार्पण केले होते. तनुजा यांनी १९६० आणि ७० च्या दशकात अनेक हिंदी व बंगाली चित्रपटांमध्ये काम केले होते. 'बहारें फिर भी आएंगी', 'मेरे जीवन साथी', 'जीने की राह', 'दया निया', 'तीन भुवनेश्वर' यांसारख्या अनेक चित्रपटात त्या प्रमुख भूमिकेत झळकल्या होत्या. तनुजा यांनी शोमू मुखर्जी यांच्याशी विवाह केला. त्यांना दोन मुली आहेत काजोल आणि तनिषा. काजोलने तनुजा यांच्या पाऊलावर पाऊल टाकत सिनेसृष्टीत करिअर केले. काजोलची बहिण तनिषा ही देखील मनोरंजन विश्वात काम करते (सर्व फोटो सौजन्य : काजोल/इन्स्टाग्राम) (हेही पाहा : 'ही चाल तुरुतुरु, उडती...'; बिग बॉस फेम मराठी अभिनेत्रीचा साडीतील लूक)