६ वर्षांची असताना वडील गेले; बाबांच्या आठवणीत सखी गोखलेने गोंदवलाय खास टॅटू, ‘त्या’ ओळींनी वेधलं लक्ष

1/9

अभिनेत्री सखी गोखले ‘दिल दोस्ती दुनियादारी’ या मालिकेमुळे घराघरांत लोकप्रिय झाली.

2/9

अभिनेत्रीने नुकत्याच केलेल्या एका फोटोशूटमुळे तिचा टॅटू चर्चेचा विषय ठरला आहे.

3/9

सखीने टॅटू म्हणून कवितेच्या काही ओळी गोंदवून घेतल्या आहेत. पण, यामागे भावुक करणारं एक खास कारण आहे.

4/9

दिवंगत अभिनेते मोहन गोखले आणि शुभांगी गोखले यांची सखी एकुलती एक लेक आहे. वडिलांचं निधन झालं तेव्हा सखी अवघ्या ६ वर्षांची होती.

5/9

तिच्या वडिलांनी घराच्या दारामागे कुसुमाग्रजांच्या ओळी लिहिल्या होत्या. जेव्हा सखीच्या घराचं रिनोव्हेशन झालं तेव्हा तिच्या आईने वडिलांनी लिहिलेल्या कवितेच्या ओळींचा तेवढा भाग जपून ठेवला.

6/9

सखीने त्याच ओळींचा सुंदर असा टॅटू गोंदवून घेतला आहे.

7/9

“ती शून्यामधली यात्रा, वाऱ्यातील एक वीराणी, गगनात विसर्जित होता, डोळ्यात कशाला पाणी” या ओळी सखीने टॅटूच्या रुपात गोंदवून घेतल्या आहेत.

8/9

अभिनेत्रीचा हा टॅटू सर्वांसाठीच लक्षवेधी ठरतो.

9/9

नेटकऱ्यांनी देखील सखीच्या या नव्या फोटोशूटवर कौतुकाचा वर्षाव केला आहे. ( सर्व फोटो सौजन्य : सखी गोखले, houseofaadyaa इन्स्टाग्राम )