‘सातव्या मुलीची सातवी मुलगी’ मालिकेचे ७०० भाग पूर्ण; अभिनेत्री फोटो शेअर करत म्हणाली…

'सातव्या मुलीची सातवी मुलगी' ही झी मराठी वाहिनीवर प्रदर्शित होणारी लोकप्रिय मालिका आहे. आपल्या वेगळ्या कथानकामुळे मालिका सतत प्रेक्षकांचे लक्ष वेधून घेत असते. नुकतेच सातव्या मुलीची सातवी मुलगी मालिकेचे ७०० भाग पूर्ण झाले आहेत. या निमित्ताने या मालिकेत प्रमुख भूमिकेत असणारी अभिनेत्री तितीक्षा तावडेने सोशल मीडियावर काही फोटो शेअर केले आहेत. हे फोटो शेअर करताना अभिनेत्रीने "७०० भाग पूर्ण प्रेक्षकांचे मनापासून आभार! खूप साऱ्या आठवणी", अशी कॅप्शन दिली आहे. अभिनेत्रीने शेअर केलेले फोटो हे मालिकेच्या शूटिंगदरम्यानचे आहेत. तिच्याबरोबर इतर कलाकारदेखील या फोटोमध्ये दिसत आहेत. तितीक्षाने या मालिकेत नेत्रा हे पात्र साकारले आहे. याबरोबरच, अभिनेत्री सोशल मीडियावर काही रील शेअर करत असते. त्याला प्रेक्षकांचे खूप प्रेम मिळताना दिसते. सातव्या मुलीची सातवी मुलगी मालिकेत आता नेत्राला ईशा आणि रिमा अशा दोन मुली असून ईशालादेखील नेत्रासारखेच संकेत येतात, असे पाहायला मिळत आहे. केदार अनेक वर्षानंतर घरी आल्याचे पाहायला मिळत आहे. आता मालिकेत पुढे काय होणार, याची उत्सुकता प्रेक्षकांना लागल्याचे सोशल मीडियावर दिसत आहे. (सर्व फोटो सौजन्य: तितीक्षा तावडे इन्स्टाग्राम)