सई ताम्हणकरने तीन शब्दांत समीर चौघुलेंचं केलं वर्णन, काय म्हणाली? जाणून घ्या…

मराठीसह हिंदी सिनेसृष्टीत आपल्या दमदार अभिनयाने वेगळं स्थान निर्माण करणारी अभिनेत्री म्हणजे सई ताम्हणकर. आजवर सईने विविधांगी भूमिका साकारल्या आहेत. लवकरच सईचा ‘अग्नि’ नावाचा नवा हिंदी चित्रपट प्रेक्षकांच्या भेटीस येणार आहे. ६ डिसेंबरला सईचा ‘अग्नि’ चित्रपट अमेझॉन प्राइमवर प्रदर्शित होणार आहे. ‘अग्नि’ चित्रपटात अभिनेता प्रतिक गांधी, दिव्येंदु शर्मा, सैयामी खेर प्रमुख भूमिकेत पाहायला मिळणार आहेत. तसंच नुकतंच ‘सोनी मराठी’वर ‘महाराष्ट्राची हास्यजत्रा कॉमेडीची हॅटट्रीक!’ हे नवं पर्व सुरू झालं आहे. या नव्या पर्वात पुन्हा एकदा परीक्षक म्हणून सई पाहायला मिळणार आहे. 'महाराष्ट्राची हास्यजत्रा' या नव्या पर्वानिमित्ताने सई ताम्हणकरशी खास संवाद साधण्यात आला. यावेळी सईला समीर चौघुलेंचं तीन शब्दांत वर्णन करायला सांगितलं. सई समीर चौघुलेंचं तीन शब्दांत वर्णन करत म्हणाली, “नितळं, नैसर्गिक, जगात भारी.” त्यानंतर तिला सचिन गोस्वामी आणि सचिन मोटे यांच्याविषयी तीन शब्दांत सांग, असं सईला सांगितलं. तेव्हा सई म्हणाली, “सिल्व्हर हेडेड प्रिन्स विथ सुपीक जमीन.” फोटो सौजन्य - सई ताम्हणकर इन्स्टाग्राम