Photos : दाक्षिणात्य अभिनेत्री कीर्ती सुरेशने दिर्घकाळ प्रियकराशी बांधली लग्नगाठ; कोण आहे तिचा पती, काय करतो?

राष्ट्रीय पुरस्कार विजेती दक्षिण भारतीय अभिनेत्री कीर्ती सुरेशने अखेर तिचा दीर्घकाळचा प्रियकर अँथनी थाटीलबरोबर लग्नगाठ बांधली आहे. गोव्यामध्ये अत्यंत खाजगी समारंभात त्यांनी लग्न केले. अभिनेत्रीने तिच्या सोशल मीडियावर लग्नाचे फोटो शेअर केले आहेत, ज्यामध्ये ती साउथ ब्राइडल गेटअपमध्ये खूपच सुंदर दिसत आहे. कीर्ती आणि अँथनी दोघेही फोटोंमध्ये खूप आनंदी दिसत आहेत, #ForTheLoveOfNyke असे कॅप्शन तिने या फोटोंना दिले आहे. दरम्यान, दोघेही एकमेकांना १५ वर्षांपासून ओळखतात आणि आता त्यांनी अधिकृतपणे लग्न केले आहे. अँथनी हा केरळमधील कोची येथील व्यापारी असून तो आता दुबईत राहतो. या फोटोंमध्ये कीर्ती सुरेश आणि अँथनी थाटील खूपच आनंदी दिसत आहेत. दोघेही शाळेत एकत्र शिकत होते आणि नंतर ते एकमेकांना डेट करू लागले. कीर्ती आणि अँथनी यांनी १५ वर्ष डेट केल्यानंतर अखेर गोव्यात आज लग्न केले आहे. कीर्ती बेबी जॉन या आगामी चित्रपटात वरुण धवनबरोबर दिसणार आहे. (सर्व फोटो साभार- किर्ती सुरेश इन्स्टाग्राम) हेही पाहा- KGF अभिनेत्रीनं घेतलं अरुणाचल प्रदेशातील प्रसिद्ध महादेव मंदिरात दर्शन, फोटो व्हायरल