रेश्मा शिंदेचा नवरा काय काम करतो? पवन सिनेविश्वापासून दूर ‘या’ क्षेत्रात आहे सक्रिय; जाणून घ्या…

'रंग माझा वेगळा', 'घरोघरी मातीच्या चुली' या मालिकांमधून अभिनेत्री रेश्मा शिंदे घराघरांत लोकप्रिय झाली. रेश्माने वैयक्तिक आयुष्यात २९ नोव्हेंबरला लग्नगाठ बांधली. रेश्मा आणि पवनच्या लग्नाला मालिकाविश्वातील बरेच कलाकार उपस्थित होते. रेश्माचा नवरा पवन नेमकं काय काम करतो? याबद्दल प्रत्येकाच्या मनात उत्सुकता निर्माण झाली होती. अखेर नुकत्याच दिलेल्या एका मुलाखतीत अभिनेत्रीने याबद्दल खुलासा केला आहे. पवन हा साऊथ इंडियन असून तो आयटी प्रोफेशनमधला आहे. पवन गेली सात ते आठ वर्षे युकेमध्ये काम करतोय पण, रेश्मासाठी त्याने आता भारतात परतण्याचा निर्णय घेतलाय. अभिनेत्री यावर म्हणते, "माझ्या कामाचं स्वरुप पाहता मला बाहेरगावी जाणं शक्य नव्हतं. अभिनय क्षेत्रात मला भारतात राहून जास्त संधी उपलब्ध होतील." याशिवाय अभिनेत्रीने नुकताच नवीन व्यवसाय सुद्धा सुरू केलाय. हा सगळा विचार करून पवनने भारतात परतण्याचा निर्णय घेतल्याचं रेश्माने सांगितलं. दरम्यान, थाटामाटात लग्नसोहळा पार पडल्यावर आता रेश्मा पुन्हा एकदा कामावर परतली असून तिने मालिकेच्या शूटिंगला सुरुवात केली आहे. ( सर्व फोटो सौजन्य : रेश्मा शिंदे इन्स्टाग्राम व a9ragphotography, मेकअप आर्टिस्ट - madhurikhese_makeupartist )