‘नवरी मिळे हिटलरला’मधील एजेचा हँडसम लूक, पाहा फोटो

'नवरी मिळे हिटलरला' ही लोकप्रिय मालिका आहे. या मालिकेतील पात्रे प्रेक्षकांच्या मनावर राज्य करताना दिसतात. एजे व लीला ही प्रेक्षकांची लाडकी पात्रे असून त्यांच्यातील केमिस्ट्री प्रेक्षकांना आवडत असल्याचे दिसते. एजे हे पात्र अभिनेता राकेश बापट तर लीला हे पात्र अभिनेत्री वल्लरी विराजने साकारले आहे. कलाकारांच्या मालिकेतील पात्रांबरोबरच, त्यांनी सोशल मीडियावर शेअर केलेले फोटो, शूटिंगदरम्यानचे व्हिडीओ, सहकलाकारांबरोबरचे रील चाहत्यांचे लक्ष वेधून घेताना दिसतात. अभिनेता राकेश बापटने त्याच्या इन्स्टाग्राम अकाउंटवर काही फोटो शेअऱ केले असून चाहत्यांची या फोटोंना पसंती मिळत असल्याचे दिसत आहे. अभिनेत्याचा चाहतावर्ग मोठा असल्याचे पाहायला मिळते. सध्या अभिनेता नवरी मिळे हिटलरला मालिकेतील त्याच्या अभिनयाने प्रेक्षकांचे लक्ष वेधून घेत आहे. शिस्तबद्ध, प्रत्येक गोष्ट परफेक्ट असावी असे वाटणारा एजे व वेंधळेपणा करणारी लीला अशी या मालिकेतील ही पात्रे आहेत. एजे-लीलाची लव्हस्टोरी प्रेक्षकांच्या पसंतीस पडत असून, मालिकेत पुढे काय होणार हे पाहणे महत्वाचे ठरणार आहे.(सर्व फोटो सौजन्य: राकेश बापट इन्स्टाग्राम)