छावा, सिकंदर ते अल्फा; २०२५ मध्ये ‘हे’ १० बहुप्रतिक्षित धमाकेदार सिनेमे चित्रपटगृहांमध्ये होणार प्रदर्शित

सनी संस्कार की तुलसी कुमारी'सनी संस्कार की तुलसी कुमारी'मध्ये जान्हवी कपूर, वरुण धवन, रोहित सराफ, सान्या मल्होत्रा, अक्षय ओबेरॉय आणि मनीष पॉल यांच्या भूमिका आहेत. या चित्रपटाचे दिग्दर्शन शशांक खेतान करत असून हा चित्रपट १८ एप्रिल २०२५ रोजी सिनेमागृहांमध्ये प्रदर्शित होणार आहे. राजा साहबदिग्दर्शक मारुती यांच्या दिग्दर्शनाखाली बनत असलेल्या 'राजा साहब' चित्रपटात प्रभास मुख्य भूमिकेत दिसणार आहे. हा चित्रपट १० एप्रिल २०२५ रोजी तेलगू, हिंदी, तमिळ, कन्नड आणि मल्याळम या पाच भाषांमध्ये प्रदर्शित होणार आहे. कांतारा: चाप्टर १ऋषभ शेट्टीचा 'कांतारा: चॅप्टर १' हा २ ऑक्टोबर २०२५ रोजी सात भाषांमध्ये रिलीज होणार आहे. सितारे जमीन परआमिर खानचा मोस्ट अवेटेड चित्रपट २०२५ मध्ये थिएटरमध्ये दाखल होईल. हा चित्रपट २००७ मध्ये रिलीज झालेल्या 'तारे जमीन पर'चा सिक्वेल आहे. असे असले तरी 'तारे जमीन पर' मधील पात्रे 'सितारे जमीन पर'मध्ये दिसणार नाहीत. ठग लाइफकमल हसनचा 'ठग लाइफ' ५ जून २०२५ रोजी चित्रपटगृहात रिलीज होणार आहे. या चित्रपटामध्ये गँगस्टर ड्रामा दाखावला जाणार असल्याची माहिती आहे. 'ठग लाईफ'चे दिग्दर्शन मणिरत्नम करत आहेत. इमर्जन्सीकंगना रणौतचा 'इमर्जन्सी' हा चित्रपट २०२४ साली रिलीज होणार होता. मात्र, सीबीएफसीकडून प्रमाणपत्र न मिळाल्यामुळे हा चित्रपट चित्रपटगृहात येऊ शकला नाही. पण आता हा चित्रपट १७ जानेवारी २०२५ ला रिलीज होणार आहे. गेम चेंजरकियारा अडवाणी आणि राम चरण यांचा मोस्ट अवेटेड चित्रपट 'गेम चेंजर' २०२५ मध्ये १० जानेवारीला प्रदर्शित होणार आहे. छावाविकी कौशलचा 'छावा' हा चित्रपट १४ फेब्रुवारी २०२५ रोजी थिएटरमध्ये दाखल होणार आहे. हा चित्रपट छत्रपती संभाजी महाराज यांच्यावर आधारित असून या चित्रपटात रश्मिका मंदाना देखील दिसणार आहेत. सिकंदर'बेबी जॉन'नंतर सलमान खान आता ॲक्शन एंटरटेनर 'सिकंदर'मध्ये दिसणार आहे. साजिद नाडियादवाला निर्मित आणि एआर मुरुगादास दिग्दर्शित हा चित्रपट २०२५ मध्ये ईदला प्रदर्शित होणार आहे. या चित्रपटात सलमानबरोबर रश्मिका मंदानाही दिसणार आहे. अल्फायशराज फिल्म्सचा पुढील स्पाय युनिव्हर्स चित्रपट 'अल्फा' २५ डिसेंबर २०२५ रोजी थिएटरमध्ये प्रदर्शित होणार आहे. या चित्रपटात आलिया भट्ट आणि शर्वरी वाघ मुख्य भूमिकेत दिसणार आहेत. शिव रवैल या चित्रपटाचे दिग्दर्शन करत आहेत.हेही पाहा- कॉमेडियन ब्रम्हानंदम यांच्याकडे सर्वाधिक संपत्ती; जॉनी लीव्हर, कपिल शर्मा ते राजपाल यादव या विनोदवीरांकडे किती मालमत्ता?