Photos: ‘बिग बॉस मराठी’ फेम जान्हवी किल्लेकरचा डॅशिंग अंदाज, ‘या’ लोकप्रिय मालिकेत होणार एन्ट्री

‘बिग बॉस मराठी’चं पाचव्या पर्व गाजवणारी ‘किल्लर गर्ल’, ‘टास्क क्वीन’ अर्थात जान्हवी किल्लेकर सध्या खूप चर्चेत असते. ‘बिग बॉस मराठी’ संपल्यापासून जान्हवी ठिकठिकाणी आयोजित केलेल्या कार्यक्रमात, तसंच नव्या चित्रपटाच्या प्रिमियर सोहळ्यात दिसते. अलीकडेच जान्हवी घनःश्याम दरवडेच्या वाढदिवसानिमित्ताने आपल्या कुटुंबासह त्याच्या गावी शुभेच्छा देण्यासाठी गेली होती. याचे फोटो, व्हिडीओ सोशल मीडियावर खूप व्हायरल झाले होते. आता जान्हवी किल्लेकरच्या चाहत्यांसाठी एक आनंदाची बातमी समोर आली आहे. अभिनेत्री जान्हवी किल्लेकर लवकरच्या नव्या दमदार भूमिकेतून प्रेक्षकांच्या भेटीस येणार आहे. महाराष्ट्राची नंबर वन वाहिनी ‘स्टार प्रवाह’वरील लोकप्रिय मालिकेत जान्हवी झळकणार आहे. याचा खुलासा ‘आता होऊ दे धिंगाणा ३’ या कार्यक्रमातून झाला आहे. ‘आता होऊ दे धिंगाणा ३’मध्ये सिद्धार्थ जाधवने जान्हवी किल्लेकर आता इन्स्पेक्टर दीपशिखा भोसले पाटील भूमिकेत झळकणार असल्याचं जाहीर केलं आहे. जान्हवी किल्लेकर आता 'स्टार प्रवाह'ची लोकप्रिय मालिका 'अबोली'मध्ये लवकरच पाहायला मिळणार आहे. याआधी जान्हवी किल्लेकर ‘कलर्स मराठी’ वाहिनीवरील ‘भाग्य दिले तू मला’ मालिकेत काम केलं होतं. या मालिकेत तिने खलनायिकेची भूमिका साकारली होती, जी चांगलीच गाजली. ( सर्व फोटो सौजन्य - जान्हवी किल्लेकर इन्स्टाग्राम )