Photos: तैमूर करतो आईची सेवा; करीना कपूरने शेअर केले लेकाचे फोटो

बॉलीवूडच्या सेलिब्रिटींची मुलं नेहमी चर्चेत असतात. त्यापैकी एक म्हणजे करीना कपूर आणि सैफ अली खानचा मुलगा तैमूर अली खान. तैमूरचे फोटो आणि व्हिडीओ सोशल मीडियावर कायम व्हायरल होतं असतात. अलीकडेच २०२५ हे नवं वर्ष साजरं करण्यासाठी सैफ अली खानबरोबर संपूर्ण कुटुंब परदेशात गेलं होतं. याचे फोटो करीना तिच्या सोशल मीडियावर शेअर करत दिसत आहे. नुकतेच करीना कपूरने नवे फोटो शेअर केले आहेत; जे क्षणार्धात व्हायरल झाले आहेत. करीनाने तैमूरचे फोटो शेअर केले आहेत. ज्यामध्ये तैमूर आपल्या आईची सेवा करताना दिसत आहे. "आईची सेवा यावर्षी आणि कायम...नवीन वर्षाच्या शुभेच्छा मित्रांनो, लवकरच अजून फोटो शेअर करणार आहे, जोडलेले राहा," असं कॅप्शन लिहित करीनाने तैमूरचे फोटो शेअर केले आहेत. करीनाने शेअर केलेल्या फोटोमध्ये तैमूर आपल्या आईला मदत करताना दिसत आहे. अभिनेत्रीचे हील्स हातात उचलून तैमूर पुढे चालताना पाहायला मिळत आहे. सर्व फोटो सौजन्य - करीना कपूर इन्स्टाग्राम