प्रियांका चोप्राच्या सासूबाईंचा ग्लॅमरस अंदाज! ‘देसी गर्ल’च्या चिमुकल्या लेकीने मामाच्या लग्नात काढली सुंदर मेहंदी, पाहा Inside फोटो

ग्लोबल स्टार प्रियांका चोप्रा तिचा भाऊ सिद्धार्थच्या लग्नसोहळ्यासाठी भारतात दाखल झाली आहे. प्रियांकासह तिची लेक मालती मेरी, नवरा निक आणि अभिनेत्रीचे सासू-सासरे सुद्धा भारतात आले आहेत. सिद्धार्थच्या मेहंदी सोहळ्यात जोनास कुटुंबीयांनी एकत्र धमाल केल्याचं पाहायला मिळत आहे. प्रियांकाच्या सासूबाई गुलाबी रंगाची डिझायनर साडी नेसून या मेहंदी सोहळ्याला आल्या होत्या. यानंतर देसी गर्लच्या सासूबाईंनी हातावर सुंदर अशी मेहंदी काढून घेतली. डेनिस मिलर यांचा ग्लॅमरस अंदाज यावेळी लक्षवेधी ठरला. याशिवाय प्रियांकाची चिमुकली लेक मालती मेरीने सुद्धा मामाच्या मेहंदी सोहळ्यात खास तयार केली होती. सुंदर असा बेबी पिंक रंगाचा लेहेंगा तिने घातला होता. मालती मेरीने सुद्धा आपल्या हातावर सुंदर अशी मेहंदी काढून घेतली होती. प्रियांकाने सगळ्या फोटोंमध्ये तिच्या लेकीचा चेहरा ब्लर करून हे फोटो इन्स्टाग्रामवर शेअर केले आहेत. प्रियांकाने या फोटोंना '#Sidnee की मेहंदी' असं कॅप्शन दिलं आहे. दरम्यान, प्रियांका चोप्राचा भाऊ सिद्धार्थ चोप्रा लोकप्रिय दाक्षिणात्य अभिनेत्री नीलम उपाध्यायबरोबर लग्नबंधनात अडकणार आहे. ( फोटो सौजन्य : प्रियांका चोप्रा इन्स्टाग्राम )