“शेवटचा दिवस…”, म्हणत ‘पारू’ मालिकेतून ‘या’ अभिनेत्रीची Exit! ‘तो’ फोटो शेअर करत म्हणाली…

'झी मराठी' वाहिनीवरील 'पारू' मालिका सध्या चांगलीच चर्चेत आहे. या मालिकेत शरयू सोनावणे ( पारू ) आणि प्रसाद जवादे ( आदित्य ) यांच्या मध्यवर्ती भूमिका आहेत. गेल्या वर्षभरात या मालिकेला प्रेक्षकांचा भरभरून प्रतिसाद मिळाला. सध्या या मालिकेत पारू विरुद्ध अनुष्का-दिशा असा संघर्ष सुरू असल्याचं पाहायला मिळत आहे. पण, आता लवकरच अहिल्यादेवी किर्लोस्करांसमोर अनुष्काचा खोटा चेहरा उघड होणार आहे. आता पारू लवकरच आदित्यच्या जीवाचं रक्षण करून अहिल्यासमोर अनुष्काचा खोटा चेहरा उघड करेल. परिणामी, कथानकानुसार अनुष्का हे पात्र 'पारू' मालिकेतून एक्झिट घेईल. याच संदर्भात अनुष्काची भूमिका साकारणाऱ्या श्वेता खरातने पोस्ट शेअर करत माहिती दिली आहे. अनुष्काची भूमिका साकारणाऱ्या श्वेता खरातने 'पारू' मालिकेच्या आगामी स्क्रिप्टचा फोटो शेअर करत त्यावर "One Last Time" असं कॅप्शन दिलं आहे. या स्क्रिप्टवर "तुझा शेवटचा दिवस अनुष्का" असं लिहिण्यात आलेलं आहे. श्वेता खरातच्या पोस्टमुळे लवकरच अनुष्का हे पात्र या मालिकेतून एक्झिट घेईल हे स्पष्ट होत आहे. दरम्यान, अनुष्का या पात्राच्या एक्झिटनंतर दिशाचं मालिकेत काय होणार हे पाहणं महत्त्वाचं ठरणार आहे. ( सर्व फोटो सौजन्य : झी मराठी/ श्वेता खरात इन्स्टाग्राम )