Photos: सई ताम्हणकरला ‘या’ तीन व्यक्तींना किडनॅप करण्याची आहे इच्छा, म्हणाली…

मराठी सिनेसृष्टीतील आघाडीच्या अभिनेत्रींपैकी एक म्हणजे सई ताम्हणकर. सई लवकरच 'ग्राउंड झिरो' चित्रपटात इमरान हाश्मीबरोबर पाहायला मिळणार आहे. नुकताच 'ग्राउंड झिरो' चित्रपटाचा टीझर प्रदर्शित झाला असून यामध्ये सई ताम्हणकरची झलक पाहायला मिळत आहे. काही दिवसांपूर्वी सईने एका वृत्तसंस्थेच्या पुरस्कार सोहळ्याला उपस्थिती लावली होती. काळ्या रंगाच्या आउटफिटमध्ये सई या पुरस्कार सोहळ्यात पाहायला मिळाली. यावेळी सईने कोणत्या तीन व्यक्तींना किडनॅप करावंस वाटतं? याबद्दल सांगितलं. सई ताम्हणकरला हॉलीवूड अभिनेता जेक जिलएनहॉल, अभिनेता आदर्श गौरव आणि मॅनेजर संतुष्टिला किडनॅप करण्याची इच्छा आहे. यामागचं कारण सांगत सई म्हणाली की, या तीन माझ्या आवडत्या व्यक्ती आहेत. माझी मॅनेजर खूप व्यग्र झालीये. त्यामुळे मला तिला किडनॅप करून कुठेतरी घेऊन जायचं आहे. पुढे सईला तिच्या आवडी-निवडीबाबत विचारण्यात आलं. सईला विचारलं की, तुझा आवडता पदार्थ कोणता? तर अभिनेत्री म्हणाली, “पोळी भाजी.” त्यानंतर सईला आवडता अभिनेता व अभिनेत्रीबद्दल विचारलं. तेव्हा अभिनेत्री म्हणाली, “विकी कौशल, प्रियांका चोप्रा.” ( सर्व फोटो सौजन्य - सई ताम्हणकर इन्स्टाग्राम )