लाल रंगाच्या साडीत खुललं दिव्या पुगावकरचं सौंदर्य, पाहा खास फोटो

स्टार प्रवाहच्या ‘मन धागा धागा जोडते नवा’ या मालिकेतून घराघरांत पोहोचलेली अभिनेत्री म्हणजे दिव्या पुगावकर. (Divya Pugaonkar) या मालिकेत दिव्याने ‘आनंदी’ ही भूमिका साकारली होती आणि तिच्या भूमिकेला प्रेक्षकांकडूनही चांगलाच प्रतिसाद मिळाला. आपल्या अभिनयाने चर्चेत राहणारी दिव्या सोशल मीडियावरही तितकीच सक्रीय असते. सोशल मीडियावर दिव्या तिचे अनेक फोटो व व्हिडीओ शेअर करत चाहत्यांच्या संपर्कात राहत असते. अशातच दिव्याने लाल रंगाच्या साडीतील मनमोहक फोटो शेअर केले आहेत. हातात हिरव्या बांगड्या आणि गळ्यात मंगळसूत्र असलेल्या लूकमध्ये दिव्या खूपच सुंदर दिसत आहे. लाल साडीतील मनमोहक सौंदर्यासह दिव्याचे दिलखुलास हास्यही चाहत्यांचे लक्ष वेधून घेत आहे. दरम्यान, दिव्या सध्या झी मराठी वाहिनीवरील लक्ष्मी निवास मालिकेतून प्रेक्षकांच्या भेटीस येत आहे. या मालिकेतील दिव्याच्या जान्हवी या भूमिकेलाही प्रेक्षकांकडून चांगलाच प्रतिसाद मिळत आहे.(फोटो सौजन्य : दिव्या पुगावकर इन्स्टाग्राम)