Photos: यळकोट यळकोट जय मल्हार..; प्रसाद खांडकेरने कुटुंबासह घेतलं खंडेरायाचं दर्शन

लेखक, दिग्दर्शक, निर्माता आणि अभिनेता या चारही भूमिका लीलया पेलणारा अभिनेता म्हणजे प्रसाद खांडेकर. ‘महाराष्ट्राची हास्यजत्रा’ या लोकप्रिय कार्यक्रमातून प्रसाद घराघरात पोहोचला. आपल्या विनोदी शैलीने त्याने प्रेक्षकांच्या मनात अढळ स्थान निर्माण केलं. आता प्रसाद अभिनयाबरोबर लेखन, दिग्दर्शन या भूमिका उत्कृष्टरित्या सांभाळत नवनवीन विषय प्रेक्षकांच्या समोर घेऊन येताना दिसत आहे. प्रसाद सोशल मीडियावर खूप सक्रिय असतो. प्रसाद सोशल मीडियावर फोटो आणि व्हिडीओ शेअर करण्याव्यतिरिक्त आपली परखड मत मांडत असतो. नुकतंच प्रसाद खांडेकरने कुटुंबासह जेजुरीच्या खंडेरायाचं दर्शन घेतलं. जेजूरी गडावरील फोटो शेअर करत प्रसादने लिहिलं आहे, "यळकोट यळकोट जय मल्हार" या फोटोमध्ये प्रसाद पत्नी, आई आणि मुलासह पाहायला मिळत आहे. ( सर्व फोटो सौजन्य - प्रसाद खांडेकर इन्स्टाग्राम )