रेश्मा शिंदेच्या सासरच्या कुटुंबीयांना पाहिलंत का? पतीसह केलं देवदर्शन, उडुपीतून शेअर केले फोटो…

छोट्या पडद्यावरची लाडकी सून म्हणून रेश्मा शिंदेला घराघरांत ओळखलं जातं. तिने आजवर अनेक गाजलेल्या मालिकांमध्ये भूमिका साकारल्या आहेत. वैयक्तिक आयुष्यात रेश्मा शिंदेचा विवाहसोहळा गेल्यावर्षी २९ नोव्हेंबरला पार पडला. अभिनेत्रीच्या नवऱ्याचं नाव पवन असून तो साऊथ इंडियन आहे. अभिनेत्री सध्या तिच्या सासरच्या कुटुंबीयांसह उडुपीला गेली आहे. रेश्मा शिंदे उडुपी येथे देवदर्शनासाठी गेली आहे. या ट्रिपचे सुंदर फोटो अभिनेत्रीने सोशल मीडियावर शेअर केले आहेत. उडुपी येथील ‘श्री कृष्ण मठ’ तसेच ‘गीता माता’ मंदिरात जाऊन रेश्मा व तिच्या सासरच्या कुटुंबीयांनी देवदर्शन केलं. अभिनेत्री व तिच्या पतीने यावेळी साऊथ इंडियन लूक केल्याचं पाहायला मिळत आहे. रेश्माने शेअर केलेल्या फोटोंमध्ये तिच्या पतीसह सासऱ्यांची झलक पाहायला मिळत आहे. रेश्माने शेअर केलेल्या फोटोंमध्ये तिच्या गळ्यातील मंगळसूत्र सर्वांचं लक्ष वेधून घेत आहे. रेश्माचं हे मंगळसूत्र ‘पालमोनास’ (Palmonas) या तिच्या ज्वेलरी ब्रँडचं आहे. अभिनेत्रीने काही दिवसांपूर्वीच या ज्वेलरी ब्रँडबरोबर भागीदारी करत पुण्यात कोथरुड येते स्वत:चं ज्वेलरी शॉप उघडलं आहे. दरम्यान, रेश्मा शिंदेच्या कामाबद्दल सांगायचं झालं, तर सध्या ती ‘घरोघरी मातीच्या चुली’ या मालिकेत काम करत आहे. सध्या मालिकेच्या शूटिंगमधून ब्रेक घेऊन ती कुटुंबीयांसह वेळ घालवत आहे. ( सर्व फोटो सौजन्य : रेश्मा शिंदे इन्स्टाग्राम )