कार्तिकी गायकवाडने ‘असा’ साजरा केला मुलाचा पहिला वाढदिवस! सजावट होती खूपच हटके, पाहा फोटो…

‘सारेगमप लिटिल चॅम्प्स’ फेम लोकप्रिय गायिका कार्तिकी गायकवाडने नुकताच तिच्या लेकाचा पहिला वाढदिवस साजरा केला. कार्तिकीने तिच्या मुलाचं नाव रिशांक असं ठेवलं आहे. रिशांकच्या वाढदिवसानिमित्त कार्तिकी व तिच्या कुटुंबीयांनी खास तयारी केली होती. रिशांकच्या पहिल्या वाढदिवसासाठी खास जंगल थीम पार्टीचं आयोजन करण्यात आलं होतं. रिशांकच्या पहिल्या बर्थडे पार्टीसाठी तयार करण्यात आलेल्या सुंदर अशा 'जंगल कार्टुन थीम'चं सध्या सर्वत्र कौतुक करण्यात येत आहे. याशिवाय रिशांकच्या बर्थडे पार्टीचा मोठा केक सुद्धा याच थीमनुसार डिझाईन करण्यात आला होता. गायिकेचे सगळे कुटुंबीय या बर्थडे पार्टीला उपस्थित होते. यावेळी कार्तिकी, तिचे पती रोनित पिसे आणि चिमुकल्या रिशांकने Twinning केल्याचं पाहायला मिळत आहे. "रिशांकच्या पहिल्या वाढदिवसाचं सेलिब्रेशन" असं कॅप्शन देत कार्तिकीने हे फोटो इन्स्टाग्रामवर शेअर केले आहेत. दरम्यान, कार्तिकीच्या चाहत्यांनी या फोटोंवर शुभेच्छांचा वर्षाव करत रिशांकला आशीर्वाद दिले आहेत. ( सर्व फोटो सौजन्य : कार्तिकी गायकवाड इन्स्टाग्राम व santoshsalmalge.in )