Photos : कपाळी चंद्रकोर, नाकात नथ, साडी अन्…; बिग बॉस हिंदीमधील अभिनेत्रीचा मराठमोळा लूक, कॅप्शनने वेधलं लक्ष!

‘बिग बॉस हिंदी’च्या १७व्या पर्वातली स्पर्धक आयशा खानने सध्या सर्वांचं लक्ष वेधून घेतलं आहे. बिग बॉसमध्ये झळकलेल्या आयशा खानला मराठी भाषेची चांगलीच भुरळ पडली आहे. त्यामागचं कारण म्हणजे तिचं हे नवं फोटोशूट कपाळावर चंद्रकोर, नाकात नथ, केसांत गजरा परिधान करत आयशाने मराठमोळ्या अंदाजात फोटो काढले आहेत. एवढचं नाही तर तिने ते इन्स्टाग्रामवरून शेअर करताना कॅप्शनही मराठीतूनच दिलं आहे. "तुझ्या वेणीतलं फुलं माळुन विसावलं मनं, त्या विसावल्या मनालाही घेणा साथीला गं", अशा शब्दांचं कॅप्शन तिने दिलं आहे. दरम्यान आयशाने अनेक मराठी गाण्यावर रीलही केले आहेत. याशिवाय अमराठी असलेली आयशा अनेक रील्समध्ये मराठी बोलताना तिच्या सोशल मीडियावर पाहायला मिळते आहे. दरम्यान, आयशा या लूकमध्ये खूप सुंदर दिसून येत आहे. चाहत्यांनी तिच्या फोटोंवर लाईक्स व कमेंट्सचा वर्षाव केला आहे. (सर्व फोटो साभार- आयशा खान, इन्स्टाग्राम) हेही पाहा- SRH ची मालकीण काव्या मारन संगीतकार अनिरुद्ध रविचंदरशी लग्न करणार? दोघांपैकी जास्त श्रीमंत कोण आहे?