शेफाली जरीवालाचा दुसरा पती पराग त्यागी कोण आहे? जाणून घ्या

अभिनेत्री शेफाली जरीवालाचं हृदयविकाराच्या झटक्याने निधन झालं आहे. कांटा लगा गर्लने अवघ्या ४२ व्या वर्षी जगाचा निरोप घेतला. शेफालीच्या निधनाने तिच्या पतीवर दुःखाचा डोंगर कोसळला आहे. पराग हा शेफालीचा दुसरा पती आहे. तिचं पहिलं लग्न संगीतकार हरमीत सिंगशी झालं होतं. पराग त्यागी कोण आहे? ते जाणून घेऊयात. पराग त्यागी हा लोकप्रिय अभिनेता आहे. पराग त्यागीने अनेक चित्रपट आणि मालिकांमध्ये काम केले आहे. पराग त्यागी 'अ वेन्सडे', 'फिर' आणि 'सरकारू वारी पाटा' सारख्या चित्रपटांमधील कामांसाठी ओळखला जातो. ४९ वर्षीय या अभिनेत्याने एकता कपूरच्या 'पवित्र रिश्ता' या मालिकत काम केलं होतं. या मालिकेत अंकिता लोखंडे, सुशांत सिंग राजपूत आणि अमित सरीन यांनीही मुख्य भूमिका साकारल्या होत्या. पराग व शेफाली यांनी २०१४ साली लग्न केलं होतं. पराग व शेफालीचं एकमेकांवर खूप प्रेम होतं. ते एकमेकांबरोबरचे सुंदर फोटो व व्हिडीओ चाहत्यांबरोबर शेअर करायचे. (सर्व फोटो- शेफाली जरीवाला-पराग त्यागी इन्स्टाग्राम)