Photos : पोर्तुगालमधील मडेरा बेटावर प्रसिद्ध मराठी अभिनेत्रीचं फोटोशूट; म्हणाली, “हे तीन दिवस…”

मराठमोळी अभिनेत्री हेमल इंगळे सध्या पोर्तुगालमधील मडेरा बेटावर व्हेकेशनसाठी गेली आहे. तिथल्या सफरीचे फोटो तिने शेअर केले आहेत. हेमलचे हे फोटो अत्यंत सुंदर आहेत. तिने या फोटोंना दिलेले कॅप्शन सर्वांचे लक्ष वेधून घेत आहे. इन्स्टाग्रामवर फोटो शेअर करताना हेमलने "These 3 days on this island have been one of the best days of my life" असे कॅप्शन तिने दिले आहे. यावेळी हेमलने मडेरा बेटावरील निसर्गाचा भरपूर आनंद घेतला असल्याचं फोटोंमधून पाहायला मिळत आहे. दरम्यान, मडेरा हे पोर्तुगाल देशातील एक बेट आहे, जे अटलांटिक महासागरात आहे. हे बेट पोर्तुगालच्या मुख्य भूभागाच्या नैऋत्येस १ हजार किलोमीटर अंतरावर आहे. मडेरा हे द्वीपसमूहाचा भाग असून त्यात मडेरा आणि पोर्टो सॅंटो ही दोन मानवी वस्ती असलेली बेटे आणि दोन निर्जन बेटे, डेझर्टास आणि सेल्व्हॅगेन्स यांचा समावेश आहे. मडेरा बेट पोर्तुगालच्या स्वायत्त प्रदेशाचा भाग आहे आणि तेथील हवामान वर्षभर सुखद असते, ज्यामुळे ते पर्यटकांचं एक आवडीचं ठिकाण आहे. दरम्यान, हेमल इंगळेने २०२४ मध्ये 'नवरा माझा नवसाचा २' या मराठी चित्रपटामध्ये मुख्य अभिनेत्री म्हणून काम केले होते. तसेच २०२४ मध्ये तिने तिचा प्रियकर रौनक चोरडियाबरोबर लग्नही केले आहे. (सर्व फोटो साभार- हेमल इंगळे इन्स्टाग्राम) हेही पाहा- MS Dhoni Birthday: जीम ते फुटविअर, हॉटेल ते फिल्म प्रोडक्शन; महेंद्रसिंग धोनीने ‘या’ कंपन्यांमध्ये गुंतवला आहे पैसा…