Photos: ‘सैयारा’ चित्रपटासाठी अहान पांडे व अनित पड्डाला मिळाले इतक्या कोटींचे मानधन?

Saiyaara Movie Updates: मोहित सुरी दिग्दर्शित (Director Mohit Suri) 'सैयारा' हा चित्रपट सध्या बॉक्स ऑफिसवर धुमाकूळ घालत आहे. ‘सैयारा' हा चित्रपट एक रोमँटिक संगीतमय प्रेमकथेवर आधारित आहे. या चित्रपटाने अनेक मोठ्या चित्रपटांचे बॉक्स ऑफिस रेकॉर्ड मोडले आहेत. हा चित्रपट १८ जुलै २०२५ रोजी प्रदर्शित झाला. यशराज फिल्म्सच्या (Yash Raj Films) बॅनरखाली बनवलेल्या या चित्रपटात अभिनेता अहान पांडे (Ahaan Panday) आणि अभिनेत्री अनित पड्डा (Aneet Padda) हे कलाकार प्रमुख भूमिकेत आहेत. अहानने या चित्रपटामधून बॉलिवूडमध्ये (Bollywood Debut) पदार्पण केले आहे. अनितने याआधी काही जाहिराती (Ads) व चित्रपटांमध्ये (Movies) काम केले आहे. सोशल मीडियावर असलेल्या माहितीनुसार अहान व अनितला या चित्रपटासाठी अंदाजे ३-५ कोटी इतके मानधन मिळाले आहे. भारतीय बॉक्स ऑफिसवर या चित्रपटाचे एकूण कलेक्शन २१६.७५ कोटी रुपयांवर पोहोचले आहे. या चित्रपटाने ॲडव्हान्स बुकिंगमध्येच ९.३९ कोटींची रेकॉर्डब्रेक कमाई केली होती. (सर्व फोटो सौजन्य : सैयारा चित्रपट/इन्स्टाग्राम) (हेही पाहा : बॅकलेस ब्लाऊज, जांभळी कॉटन साडी...; स्पृहा जोशीने दिल्या फोटोशूटसाठी खास पोज)