Photos : स्टार प्रवाह गणेशोत्सव सोहळ्यात ‘लपंडाव’ या नवीन येणाऱ्या मालिकेतील जोडीचे खास एकत्र फोटोशूट

स्टार प्रवाहवरील ‘लपंडाव’ या नव्या मालिकेतून कृतिका देव आणि चेतन वडनेरे ही नवी जोडी प्रेक्षकांच्या भेटीला येणार आहे. गणेशोत्सव २०२५ सोहळ्यात दोघे कलाकार खास पारंपरिक लूकमध्ये सजून अवतरले. त्यांच्या या वेगळ्या अंदाजाकडे प्रेक्षकांची नजर खिळली. कृतिका देव हिने नेसलेल्या रेशमी साडीचा डौल आणि नाजूक दागिन्यांची उठावदार जुळवणी त्यांच्या व्यक्तिमत्त्वाला अधिक देखणेपणा देत होती. चेतन वडनेरेने परिधान केलेली आकर्षक शेरवानी आणि त्यावरचा स्टायलिश अंदाज, या लूकमुळे चाहत्यांनी त्याचे भरभरून कौतुक केले. स्टार प्रवाह परिवार गणेशोत्सवाच्या मंचावर या मालिकेची झलक दाखवण्यात आली आणि त्यामुळे प्रेक्षकांमध्ये मालिकेबाबत नवी उत्सुकता निर्माण झाली आहे. पारंपरिक आणि आधुनिकतेचा सुंदर संगम दाखविणारा त्यांचा लूक सोशल मीडियावर चांगलाच चर्चेत राहिला. त्यामुळे फोटोंना खूपच मोठ्या प्रमाणावर प्रतिसाद मिळत आहे. १५ सप्टेंबरपासून सुरू होणाऱ्या ‘लपंडाव’ या मालिकेतून प्रेक्षकांना एका नव्या नात्याची, नव्या प्रवासाची सुरुवात अनुभवायला मिळणार आहे. (सर्व फोटो सौजन्य : चेतन वडनेरे/इन्स्टाग्राम) (हेही पाहा: Photos : कार्तिकी गायकवाडच्या ‘या’ नव्या गाण्याने गणेशोत्सवाला सुरुवात; पारंपरिक नऊवारी साडी व शेल्याने वेधले लक्ष )