ऐश्वर्या राय बच्चनचा पॅरिस फॅशन वीकमधील लूक चर्चेत; तुम्ही ‘हे’ फोटो पाहिलेत का?

अभिनेत्री ऐश्वर्या राय बच्चन जितकी तिच्या अभिनयासाठी ओळखली जाते. तितकीच तिच्या सौंदर्यासाठी ओळखली जाते. ऐश्वर्या राय बच्चनचा मोठा चाहतावर्ग आहे. ती पॅरिस फॅशन वीकसाठी पॅरिसला गेली आहे. आता या कार्यक्रमातील ऐश्वर्याचा एक व्हिडीओ सोशल मीडियावर व्हायरल झाला आहे. या व्हिडीओमध्ये ऐश्वर्या राय रॅम्प वॉक करताना दिसत आहे. तसेच तिचे काही फोटोदेखील पाहायला मिळत आहे. यावेळी तिने तिच्या वेगळ्या अंदाजात चाहत्यांची मने जिंकली. तिने रॅम्पवर नमस्कार करत सर्वांचे लक्ष वेधून घेतले. यावेळी तिने काळ्या रंगाची पॅन्ट आणि त्याच रंगाचे ब्लेजर परिधान केले होते. तिचा हा अंदाज चाहत्यांना आवडला आहे. सोशल मीडियावर व्हायरल झालेल्या या व्हिडीओ आणि फोटोंवर अनेक नेटकऱ्यांनी कमेंट्स करत तिचे कौतुक केले आहे. अनेकांनी तिला देवी म्हटले, अनेकांनी क्वीन म्हटले तर काहींनी ऐश्वर्याइतके सुंदर कोणी असूच शकत नाही, असे म्हणत कौतुक केले. आता आगामी काळात अभिनेत्री कोणत्या चित्रपटातून प्रेक्षकांच्या भेटीला येणार हे पाहणे महत्वाचे ठरणार आहे. (फोटो सौजन्य: ऐश्वर्या राय फॅन पेज इन्स्टाग्राम)