Ganpati Bappa Visarjan : गुलालाची उधळण करत पाच दिवसांच्या बाप्पांना उत्साहात निरोप, पाहा फोटो

‘गणपती बाप्पा मोरया, पुढच्या वर्षी लवकर या’ या जयघोषात पाच दिवसांच्या लाडक्या बाप्पाला भाविकांकडून काल (११ संप्टेंबर) निरोप दिला गेला. भाविकांनी ढोल-ताशांच्या गजरात तसेच साश्रू नयनांनी पाच दिवसांच्या बाप्पांना निरोप दिला आहे. ही छायाचित्रे मुंबईतील आहेत. दरम्यान, यंदा ७ सप्टेंबरला गणेश चतुर्थीच्या दिवशी गणपती बाप्पा विराजमान झाले. आज गणपती बाप्पाचा सहावा दिवस आहे. घरगुती तसेच सार्वजनिक गणेश मंडळांच्या गणपतींचे विसर्जन काल पार पडले. मुंबईतील सर्व चौपट्या, तलाव परिसरात विसर्जनासाठी भाविकांनी दुपरपासून गर्दी केली होती. रात्री उशिरापर्यंत विसर्जन सुरू होते. पालिकेकडून मिळालेल्या माहितीनुसार जवळपास १५ हजार गणेश मूर्तींचे काल विसर्जन करण्यात आले आहे. दरम्यान, आज गुरुवारी गौरी- गणपतींचे तर उद्या म्हणजे शुक्रवारी सात दिवसांच्या गणपतींचे विसर्जन होणार आहे. त्यामुळे अजून दोन दिवस चौपाट्यांवर भाविकांची गर्दी असणार आहे. या पार्श्वभूमीवर मुंबई पोलिसांकडून चोख बंदोबस्त करण्यात आलेला आहे. (सर्व फोटो: लोकसत्ता टीम)