Photos : ऑक्टोबर महिन्यात होणाऱ्या आजारांपासून ‘ही’ फळे करतील आरोग्याचे रक्षण; आजच करा आहारात समावेश

ऑक्टोबर महिन्यापासून शरद ऋतूला सुरुवात होते. या बदलत्या ऋतूमध्ये हंगामी फळांचे सेवन करणे आरोग्यासाठी फायदेशीर ठरू शकते. ऑक्टोबर महिन्यापासून पावसाळा संपून वातावासनात बदल होण्यास सुरुवात होते. वातावरणात थंडावा आणि उष्णता दोघांचेही प्रमाण वाढू लागते. या बदलत्या ऋतूत आहाराची काळजी घेणे आवश्यक ठरते, अन्यथा हंगामी आजारांचा धोका वाढू शकतो. म्हणूनच ऑक्टोबर महिन्यात तुम्ही आपल्या आहारामध्ये खालील हंगामी फळांचा समावेश करावा. पेरू - ऑक्टोबर महिन्यात बाजारात पेरू येऊ लागतात. या ऋतूत पेरू खाणे फायदेशीर आहे. यामुळे शरीराला व्हिटॅमिन सी, प्रथिने आणि फायबर मिळते. पेरू वजन कमी करण्यासही मदत करतो. पपई - पपई सर्व ऋतूंमध्ये सहज उपलब्ध होते. हिवाळा सुरू झाला की पपईचा हंगामही सुरू होतो. पपई पोटाच्या आजारांपासून तुमचे रक्षण करते आणि व्हिटॅमिन सी, ए आणि फायबरने भरपूर असते. डाळिंब - ऑक्टोबर हा डाळिंबाचा हंगाम आहे. या महिन्यात बाजारात भरपूर डाळिंब दिसतात. म्हणूनच या महिन्यात डाळिंब जरूर खावे. डाळिंब खाल्ल्याने शरीरातील लोहाची कमतरता पूर्ण होते आणि शरीराला व्हिटॅमिन सी, के आणि बी मिळते. सीताफळ - या काळात बाजारात भरपूर सीताफळ येतात. हे अतिशय चविष्ट फळ आहे. हृदय निरोगी ठेवण्यासाठी आणि पोषण मिळवण्यासाठी सीताफळ नक्की खावे. गरोदरपणातही सीताफळ खाणे फायदेशीर ठरते. सफरचंद - ऑक्टोबरपासून सफरचंदाचा हंगामही सुरू होतो. दररोज एक सफरचंद जरून खावे. हे आवश्यक जीवनसत्त्वे आणि खनिजे प्रदान करते. सफरचंद खाल्ल्याने वजन कमी होण्यास मदत होते. येथे देण्यात आलेली माहिती गृहीतके आणि सामान्य माहितीवर आधारित आहे. (सर्व फोटो : Pexels)